2021 جىلى الماتىلىق قۇتقارۋشىلار 3000-نان استام شاقىرتۋعا شىققان
الماتى قالاسى توتەنشە جاعدايلار دەپارتامەنتى جاڭا جىل ءتۇنى قالا تۇرعىندارىنان قانشا شاقىرتۋ تۇسكەنىن مالىمدەدى، دەپ حابارلايدى Almaty-akshamy.kz.
«وتكەن تاۋلىكتە توتەنشە جاعدايلار قىزمەتىنىڭ ءورت ءسوندىرۋ بولىمشەلەرى 20 رەت شاقىرتۋعا شىقتى. ونىڭ 15ء-ى تۇرعىنداردىڭ قىراعىلىق سيپاتتاعى حابارلامالار ارقاسىندا بولدى، 3 شاقىرتۋ ىقشاماۋداننىڭ كىرەبەرىسىندەگى ەلەكتر جەلىسىنىڭ قىسقا تۇيىقتالۋىنا بايلانىستى بولدى. اينابۇلاق، الاتاۋ اۋدانىنداعى جەكە تۇرعىن ءۇيدىڭ شاتىرىندا جانباعان قىسقا تۇيىقتالۋ، المالى اۋدانىندا كولىكتەگى قىسقا تۇيىقتالۋ بولدى»،-دەلىنگەن حابارالامادا.
سونداي-اق، قوقىس پەن سىنعان اعاشتاردى تاستاۋعا بايلانىستى 12 شاقىرتۋ بولعان. ازاماتتاردىڭ قىراعىلىقتارى ارقاسىندا جاڭا جىل تۇنىندە رەزونانس تۋدىراتىن وقيعالار تىركەلمەگەن.
ءار تاۋلىك 300-گە جۋىق قىزمەتكەر، 200-دەن استام بىرلىك تەحنيكا قازاقستان رەسپۋبليكاسى توتەنشە جاعدايلار مينيسترلىگى «قازاۆياقۇتقارۋ» اق جانە 109-قۇتقارۋ قىزمەتىنىڭ تەحنيكاسى مەن اۋە كەمەلەرى توتەنشە جاعدايلارعا جەدەل دەن قويۋ ءۇشىن دايىندىقتا.
«جالپى 2021 جىلى الماتىلىق قۇتقارۋشىلار 3000-نان استام شاقىرتۋعا شىعىپ، ءقاۋىپتى ايماقتاردان 100-دەن استام ادامدى ەۆاكۋاسيالادى، 197 ادامنىڭ ءومىرىن ساقتاپ قالدى. 2021 جىلدىڭ قورىتىندىسى بويىنشا دەپارتامەنت بارلىق العا قويعان نۇسقاۋلاردى ورىندالدى»، - دەدى توتەنشە جاعدايلار دەپارتامەنتىنىڭ باسشىسى رۋسلان قاسىبايەۆ.