"قورعاس – شىعىس قاقپاسى" ەركىن ەكونوميكالىق ايماعىنىڭ اۋماعىندا زاماناۋي اۋە ايلاعى سالىنباق، - دەپ حابارلايدى اlmaty-akshamy.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.
بىرلەسكەن قازاق-نەمىس جوباسىنا 250 ملرد تەڭگە ينۆەستيسيا تارتىلىپ، 700 جۇمىس ورنى قۇرىلادى دەپ جوسپارلانعان. جوبا ءۇش كەزەڭنەن تۇرادى. تەرمينالدىڭ قۋاتى 50 مىڭ توننا جۇك تاسىمالداۋعا، جولاۋشىلار تەرمينالىنان ساعاتىنا 500 ادامعا دەيىن وتكىزۋگە قاۋقارلى بولادى.
جوبانى ىسكە اسىرۋعا قاتىستى ماسەلەلەر بۇگىن وبلىس اكىمى بەيبىت يسابايەۆتىڭ ينۆەستورلارمەن كەزدەسۋى بارىسىندا تالقىلاندى.
ىسكەرلىك كەزدەسۋدە بەيبىت يسابايەۆ جەتىسۋ وبلىسىنىڭ ترانزيتتىك الەۋەتى جوعارى ەكەنىن اتاپ ءوتتى. جۇڭگو مەن وڭتۇستىك-شىعىس ازيادان تمد ەلدەرى مەن ەۋروپاعا دەيىنگى ماڭىزدى مارشرۋتتاردىڭ قيىلىسىندا "قورعاس – شىعىس قاقپاسى" اەا ورنالاسقان، ونىڭ قۇرامىنا قۇرعاق پورت، جالپى اۋدانى 5 مىڭ گەكتارعا جۋىق لوگيستيكالىق جانە يندۋستريالىق ايماقتار كىرەدى.
"SKYMAX TEHNOLOGIES" كومپانيالار توبى" ج ش س باس ديرەكتورى ەرىك شورتانبايەۆ جوبا جايلى كەڭىنەن اڭگىمەلەپ، ءبىرىنشى كەزەكتە ءوزىنىڭ نەمىس سەرىكتەستەرىن، ياعني جوباعا ينۆەستيسيا سالۋعا نيەتتى "The Hansa Consortium" كومپانياسىنىڭ وكىلدەرىن تانىستىردى.
ينۆەستوردىڭ ايتۋىنشا، جوبا ءۇش كەزەڭنەن تۇرادى. حالىقارالىق جۇك-جولاۋشىلار اۋەجايىن سالۋدان بولەك، مۇندا قاجەتتى ينفراقۇرىلىممەن قامتۋ، سونداي-اق ونى كەزەڭ-كەزەڭىمەن كەڭەيتۋ، وندىرىستىك قۋاتىن ۇلعايتۋ، قوناق ءۇي، ساۋدا-ويىن-ساۋىق ورتالىعىن ىسكە قوسۋ كوزدەلگەن. وسىلايشا جوبا 2032 جىلى تولىعىمەن اياقتالادى. ال اۋەجاي 2027 جىلى جۇمىسىن باستايدى دەپ جوسپارلانعان.
شورتانبايەۆتىڭ ايتۋىنشا، جوبانى ىسكە اسىرۋدىڭ ءى كەزەڭىندە اۋەجايدىڭ نەگىزگى ينفراقۇرىلىمى سالىنادى، ال ءى جانە ءىىى كەزەڭدەردە قوسىمشا ينفراقۇرىلىمداردى اياقتاۋ، جولاۋشىلار تەرمينالىنىڭ وتكىزۋ قابىلەتىن، جۇك جانە وتىن قويمالارىنىڭ قۋاتىن كەڭەيتۋ قاراستىرىلعان.
سونداي-اق ينۆەستورلار ساۋدا، تۋريستىك قىزمەتتەر، سونداي-اق تاماقتانۋ جانە ورنالاستىرۋ قىزمەتتەرىنىڭ كەشەنىن كەڭەيتىپ، دامىتۋعا نيەتتى. اتاپ وتسەك، اۋەلاينەرلەرىنە زاماناۋي Jet a-1 وتىنى پايدالانىلماق.