شۆەسيانىڭ جاڭادان سايلانعان دەنساۋلىق ساقتاۋ ءمينيسترى ەليزابەت لانن ستوكگولمدە وتكەن باسپا ءسوز كونفەرەنسياسىندا ەسىنەن تانىپ قالدى. شۆەسيالىق SVT تەلەارناسى وقيعانىڭ ۆيدەوسىن جاريالادى، - دەپ حابارلايدى اqshamnews.kz ءتىلشىسى.
"ۇكىمەتتەگى كادرلىق ءاۋىس-تۇيىس تانىستىرىلعان باسپا ءسوز كونفەرەنسياسى بارىسىندا جاڭا دەنساۋلىق ساقتاۋ ءمينيسترى ەليزابەت لانن ەسىنەن تانىپ قالدى. وسىدان كەيىن ول زالدان شىعارىلدى"، – دەلىنگەن حابارلامادا.
تريبۋنادا لاننمەن بىرگە پرەمەر-مينيستر ۋلف كريستەرسسون، ەنەرگەتيكا جانە كاسىپكەرلىك ءمينيسترى ەببا بۋش، سونداي-اق الەۋمەتتىك ىستەر ءمينيسترى ياكوب فورسمەستەد تۇرعان.
الدىن الا مالىمەت بويىنشا، ەسىنەن تانۋعا قانداعى قانت دەڭگەيىنىڭ كۇرت تومەندەۋى سەبەپ بولعان. بۇعان بايلانىستى باسپا ءسوز كونفەرەنسياسىن كەيىنگە شەگەرۋگە تۋرا كەلدى.
2020 جىلى نيدەرلاندتىڭ دەنساۋلىق ساقتاۋ ءمينيسترى برۋنو برەينس تە كوروناۆيرۋس جاعدايىنا بايلانىستى پارلامەنتتە وتكەن تالقىلاۋ كەزىندە ەسىنەن تانىپ قالعان ەدى. ونىڭ ايتۋىنشا، بۇل شامادان تىس شارشاۋدان بولعان.
ەليزابەت لانن تۋرالى نە بەلگىلى؟
ەليزابەت لانن - گەتەبورگ قالاسىنىڭ مۋنيسيپالدى كەڭەسشىسى ءارى «حريستياندىق دەموكراتيا» پارتياسىنىڭ مۇشەسى.
ونىڭ الدىنداعى مينيستر اكو انكاربەرگ يۋحانسسوننىڭ توسىننان وتستاۆكاعا كەتتى.
لانن سول كۇنى-اق دەنساۋلىق ساقتاۋ ءمينيسترى لاۋازىمىنا تاعايىندالدى.