ەلدىڭ دامۋى ءۇشىن كۇنى كەشە وتكەن پرەزيدەنت سايلاۋىنىڭ ماڭىزى ەرەكشە.
پرەزيدەنت سايلاۋىنداعى قاسىم-جومارت توقايەۆتىڭ جەڭىسى قازاق حالقىنىڭ سەنىمى مەن قولداۋىن كورسەتەدى. مۇنداي پىكىردى امانات پارتياسى الماتى قالالىق فيليالى ساياسي كەڭەسىنىڭ مۇشەسى نۇريا نيازوۆا ايتتى، دەپ حابارلايدى Almaty-akshamy.kz.
ونىڭ پىكىرىنشە، قازاقستاننىڭ مەملەكەتتىك قايراتكەرلەرى مىقتى كوشباسشىمەن بىرگە بولۋعا جانە الداعى جەتى جىلدا ونىڭ ساياساتىن قولداۋعا دايىن ەكەندىكتەرىن ايتىپ، ۇلكەن سەنىم بىلدىرۋدە. سونداي-اق، ول ەلىمىزدىڭ جاڭا داۋىرگە اياق باسقالى تۇرعانىن ايتتى.
«ءبىز قازاقستانىمىزدىڭ دامۋىنداعى تاريحي كەزەڭنىڭ الدىندا جاڭا داۋىرگە اياق باسقالى تۇرمىز. قاسىم-جومارت كەمەل ۇلى 16 قاراشادا الماتىعا كەلگەن ساپارىندا ايەلدەردىڭ ساياساتتاعى جانە قوعامداعى ءرولىن ەرەكشە اتاپ وتكەنىن ايتپاي كەتۋگە بولماس. پرەزيدەنت قاڭتار وقيعاسىن ەسكە سالدى، ويتكەنى بۇل ءبىزدىڭ تاريحىمىز، تاريحسىز بولاشاق جوق. ال ءبىز قاسىم-جومارت توقايەۆپەن بىرگە ول تاڭداعان دۇرىس جولمەن جۇرەتىن بولامىز»، – دەدى نۇريا نيازوۆا.