جاڭا باسقارمالار الماتى اۋداندىق اكىمدىكتەرىنىڭ باسقا باسقارمالارى مەن اپپاراتتارىن وڭتايلاندىرۋ ەسەبىنەن قۇرىلادى. بۇل تۋرالى ءماسليحاتتىڭ كەزەكتەن تىس XIV سەسسياسىندا الماتى اكىمى اپپاراتىنىڭ باسشىسى بەيبىت شاحانوۆ مالىمدەدى، دەپ حابارلايدى almaty-akshamy.kz.
«سەيسميكالىق قاۋىپسىزدىك جانە جۇمىلدىرۋ دايىندىعى باسقارمالارىن قۇرۋ شتاتتىڭ ۇلعايۋىن بىلدىرمەيدى. جاڭا قۇرىلىمدار اۋداندىق اكىمدىكتەردىڭ باسقا باسقارمالارى مەن اپپاراتتارىن وڭتايلاندىرۋ ەسەبىنەن قالىپتاستىرىلۋدا. سونداي-اق قولدا بار رەسۋرستاردى قايتا ءبولۋ ەسەبىنەن قوسىمشا بيۋدجەت قاراجاتىن ءبولۋدىڭ قاجەتى جوق»، - دەدى ول.
جاڭا باسقارمالار الماتى ءماسليحاتىنىڭ كەزەكتەن تىس XIV سەسسياسىندا بەكىتىلدى. قالا اكىمى اپپاراتىنىڭ باسشىسى بەيبىت شاحانوۆتىڭ ايتۋىنشا، جاڭا قۇرىلىمداردىڭ ارقاسىندا قالادا وڭىردەگى سەيسميكالىق قاۋىپسىزدىكتى قامتاماسىز ەتۋگە جانە قوعامدىق كەڭىستىكتەردى سالۋ مەن جاڭعىرتۋدا ءبىرىڭعاي قاعيداتتار مەن تاسىلدەردى ساقتاۋعا بايلانىستى پروبلەمالار شەشىلەتىن بولادى.