الماتىنىڭ بەينەسى – بۇل قالا ادامدار ءۇشىن، تۇراقتى ءوسىپ كەلە جاتقان ەكونوميكاسى، قولايلى ورتاسى بار، الەمنىڭ تۇكپىر-تۇكپىرىنەن تالانتتاردى، تەحنولوگيالار مەن ينۆەستيسيالاردى تارتاتىن ۇيلەسىمدى مەگاپوليس.
دامۋ باعدارلاماسىن ازىرلەۋ جانە ونى يدەيالىق تولىقتىرۋ ءۇشىن قالا ءومىرىنىڭ ءتۇرلى سالالارىندا 36 ساراپشى جۇمىلدىرىلدى، دەپ حابارلايدى Almaty-akshamy.kz.
دامۋ جوسپارىن قوعامدىق تالقىلاۋ بارىسىندا 392 قالا تۇرعىنىنان الماتى قالاسىن دامىتۋ بويىنشا 1 280 تۇسىنىكتەمە مەن ۇسىنىستار الىندى، ولاردىڭ نەگىزگى ۇلەسى قالالىق ورتاعا، ەكولوگياعا، قاۋىپسىزدىككە قاتىستى بولدى.
الەمدىك تاجىريبە كورسەتىپ وتىرعانداي، ءىرى مەگاپوليستەر اۋدانداردىڭ ءوزىن-وزى قامتاماسىز ەتۋ جانە بايلانىس قاعيداتتارىنا نەگىزدەلگەن دامۋدىڭ پوليسەنترلىك مودەلىن پايدالانادى.
بۇگىندە الماتىدا دامۋدىڭ مونوسەنتريستىك مودەلى قالىپتاستى. جۇمىس ورتالىعىندا دا، الەۋمەتتىك-مادەني ورتالىقتا دا جوعارى تىعىزدىققا يە بولۋ بولجامى بار. بۇل قوعامدىق كولىكتىڭ شامادان تىس جۇكتەلۋىن تۋدىرادى، كوشى-قوندى ارتتىرادى جانە قالانىڭ باسقا اۋداندارىنىڭ دامۋىن تەجەيدى.