الماتى قالاسىنىڭ اۋماعى سوڭعى ون جىلدا ەكى ەسەگە، ال قالا تۇرعىندارىنىڭ سانى ۇشتەن بىرگە ارتتى. بۇگىن «جاڭا الماتى» كەشەندى دامۋ جوسپارىن جۇزەگە اسىرۋ قارقىنىن تالقىلاۋ بويىنشا دوڭگەلەك ۇستەلدە مەگاپوليستىڭ شالعاي اۋداندارى قالاي دامىپ جاتقانىن تالقىلادى دەپ حابارلايدى almaty-akshamy.kz.
دوڭگەلەك ۇستەل جۇمىسىنا قالا باسقارمالارىنىڭ جانە الماتى وبلىسىنىڭ جەرلەرى قوسىلعان سوڭ اۋماقتارى قۇرىلعان نەمەسە كەڭەيتىلگەن اۋداندار اكىمدىكتەرىنىڭ باسشىلارى قاتىستى.
ناۋرىزباي اۋدانىنىڭ اكىمى سانجار توعاي اۋداندى دامىتۋدىڭ باسىم مىندەتتەرى ۇزدىكسىز سۋمەن، ەلەكتر ەنەرگياسىمەن جانە گازبەن قامتاماسىز ەتۋ بولىپ تابىلاتىنىن حابارلادى.
بۇگىندە ناۋرىزباي اۋدانى 30% ورتالىقتاندىرىلعان سۋمەن قامتاماسىز ەتىلگەن. تاعى 20% 36 ۇڭعىمادان سۋ الادى. حالىقتىڭ قالعان 50%-ى قاراعايلى، قۇرامىس، تاۋسامالى، تاۋجولى، تاستىبۇلاق، اقجار، قارعالى شاعىن اۋداندارىن قامتيتىن قارعالى جانە اقساي وزەندەرىنەن اشىق سۋ تارتۋدان سۋدى پايدالانادى.
سۋ ماسەلەسى تۋرالى ايتا كەلە، س. توعاي «جاڭا الماتىنى» دامىتۋدىڭ كەشەندى جوسپارى اياسىندا ورتالىقتاندىرىلعان سۋمەن جانە سۋ بۇرۋمەن ۇزدىكسىز قامتاماسىز ەتۋ ءۇشىن 131،6 كم سۋ قۇبىرى جانە 74،5 كم كارىز قۇبىرى سالىنعانىن حابارلادى. 2022-2023 جىلدارى تاعى 74،5 كم سۋ قۇبىرى مەن 35،7 كم كارىز قۇبىرلارىن سالۋدى اياقتاۋ جوسپارلانۋدا.
«اۋداندا قارعالى وزەنىندە جاڭا سۋ دايىنداۋ ستانسياسىنىڭ قۇرىلىسى باستالدى، كەلەسى جىلى جۇمىستى اياقتاۋدى جوسپارلاپ وتىرمىز. بۇگىندە «قارعالى» تازارتۋ ستانسياسى تاۋلىگىنە 4 مىڭ تەكشە مەتر سۋ وندىرەدى. جوبانى ىسكە اسىرعاننان كەيىن وندىرىستىك قۋات تاۋلىگىنە 15 مىڭ تەكشە مەترگە دەيىن ۇلعايتىلادى. ەكىنشى «اقساي» تازارتۋ ستانسياسى تاۋلىگىنە 22 مىڭ تەكشە مەتر سۋ وندىرەدى»، - دەدى س. توعاي.
تاستىبۇلاق، قۇرامىس، قارعالى، تاۋجولى جانە جايلاۋ شاعىن اۋداندارىندا ينجەنەرلىك جەلىلەردى تارتۋ جۇمىستارى تولىق كولەمدە اياقتالدى.
جاعدايدى جاقسارتۋ جانە اۋدان تۇرعىندارىن كوممۋنالدىق قىزمەتتەرمەن قامتاماسىز ەتۋ ءۇشىن ۇزىندىعى 34 كم كارىزدىك كوللەكتوردىڭ تەحنيكالىق-ەكونوميكالىق نەگىزدەمەسىن ازىرلەۋ جونىندەگى شەشىم ماڭىزدى بولدى، كوللەكتور قولدانىستاعى ءۇي قۇرىلىستارىنان جانە قوسىلعان اۋماقتاردا، سونداي-اق الاتاۋ اۋدانىنىڭ اۋماعىنان قوسىمشا سالىنىپ جاتقان سارقىندى سۋلاردى قابىلداۋعا مۇمكىندىك بەرەدى.
اۋدان اكىمى س. توعاي 778 كم گاز جەلىلەرىنىڭ تارتىلعانىن، تۇرعىنداردىڭ گازبەن 98% قامتىلعانىن ايتتى.
«وتكەن جىلى اكىمدىكتىڭ قولداۋىمەن كوپبالالى جانە از قامتىلعان وتباسىلار تۇراتىن 46 ءۇي گاز جۇيەسىنە قوسىلعان بولاتىن. بۇل تاجىريبە 2021 جىلى دا جالعاسىن تاپتى، تەك مەسەناتتار ەسەبىنەن مۇقتاج 20 وتباسىنىڭ ۇيلەرى گازداندىرىلدى»، - دەدى س. توعاي.
قالانىڭ ونەركاسىپتىك الەۋەتىن دامىتۋ بيزنەسكە ءتيىستى ينجەنەرلىك ينفراقۇرىلىمى بار جەر ۋچاسكەلەرى بەرىلەتىن يندۋستريالىق ايماقتى دامىتۋمەن تىعىز بايلانىستى.