اسا اۋىر سالماقتا كۇش سىناسىپ جۇرگەن 33 جاستاعى قازاقستاندىق كاسىپقوي بوكسشى جان كوسوبۋسكيي ءوزىنىڭ كەزەكتى جەكپە-جەگىندە ايقىن جەڭىسكە قول جەتكىزدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
گەرمانيانىڭ گامبۋرگ قالاسىندا جەرلەءسىمىز جوان ديۋوپامەن جۇدىرىقتاستى. 41 جاستاعى فرانسيا وكىلىنىڭ كاسىپقويلار اراسىندا ونەر كورسەتىپ جۇرگەنىنە 18 جىلدان استى. سول ارالىقتا 45 كەزدەسۋ وتكىزىپ، 39 رەت باسىمدىق تانىتتى. 26 قارسىلاسىن ەسىنەن تاندىردى. وسىدان جەتى جىل بۇرىن ديۋوپا امەريكالىق دەونتەي ۋايلدەرمەن الەم چەمپيونى اتاعى ءۇشىن تالاسىپ، 11 راۋندتا تەحنيكالىق نوكاۋتپەن ۇتىلدى. ودان بولەك ول الەكساندر پوۆەتكين، دجارەلل ميللەر، توني يوكا، مانۋەل چارر جانە تاعى باسقا اتاقتارى الىسقا جايىلعان الىپتارمەن ايقاسقان. ءبىراق شاۋ تارتىپ قالعان جوان ءبىزدىڭ جانعا لايىقتى قارسىلىق كورسەتە المادى. 10 راۋندقا ەسەپتەلگەن باسەكەنىڭ بەسىنشى راۋندى اياقتالعاننان كەيىن فرانسۋز جەكپە-جەكتى جالعاستىرۋدان باس تارتتى. تەحنيكالىق نوكاۋت!
وسى جەڭىسىنىڭ ارقاسىندا جان كوسوبۋسكيي WBC International نۇسقاسى بويىنشا چەمپيوندىق بەلبەۋدى يەلەندى. كاسىپقوي رينگتە 18 كەزدەسۋ وتكىزگەن ول بارلىعىندا جەڭىسكە جەتىپ، 17 قارسىلاسىن نوكاۋتقا جىبەردى.