ازيا بىرلەسكەن كۇرەس الەمى (UWW Asia) 2022 جىلدىڭ ۇزدىك بالۋاندارىن انىقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق ءجاميلا باقبەرگەنوۆا "ايەلدەر كۇرەسى" اتالىمى بويىنشا "ازيانىڭ ۇزدىك بالۋانى" اتاندى.
ازيا چەمپيونى، الەم بىرىنشىلىگىنىڭ ەكى دۇركىن كۇمىس جۇلدەگەرى ج.باقبەرگەنوۆا سونداي-اق جۋىردا قازاقستان بويىنشا «جىلدىڭ ۇزدىك سپورتشىسى» اتانعان ەدى.
«سپورتتى دامىتۋ ديرەكسياسى» رمقك-دان ءمالىم ەتكەنىندەي، قىرعىزستاندىق اقجول ماحمۇدوۆ گرەك-ريم كۇرەسىنەن ۇزدىك شىقتى. ال جاپونيالىق تايسي ناريكۋني ەركىن كۇرەستەن ۇزدىك دەپ تانىلدى.
ەسكە سالا كەتەيىك، بۇدان بۇرىن بالۋان قىز ءجاميلا باقبەرگەنوۆا «جىلدىڭ ۇزدىك سپورتشىسى» اتانعانىن جازعان بولاتىنبىز.