جۋرناليستەر بايزاق اۋدانىنداعى جارىلىستان زارداپ شەككەن اسكەري قىزمەتشىلەردىڭ جاعدايى تۋرالى ءبىلدى.
تاراز قالالىق №1 كوپبەيىندى اۋرۋحاناسىندا ەمدەلىپ جاتقان بايزاق اۋدانى №8 ءورت ءسوندىرۋ قىزمەتىنىڭ قاراۋىل باستىعى راسۋل مۇحامەدجانوۆ 26 تامىز كۇنى وقيعانىڭ قالاي بولعانىن ايتىپ بەردى، دەپ حابارلايدى Almaty-akshamy.kz Baq.kz-كە سىلتەمە جاساپ.
بايزاق اۋدانىنا كوروليەۆكا اۋىلىنداعى اسكەري بولىمشەدە قويما ورتەنىپ جاتقانى تۋرالى حابارلاما كەلىپ ءتۇستى. جاۋىنگەرلىك كەزەكشىلىكتە قاراۋىل باستىعى بولعاننان كەيىن ءوزىم، جۇرگىزۋشى جانە ءبىر ءورت سوندىرۋشىمەن بىرگە ەڭ ءبىرىنشى بولىپ بارعان ەدىك. الدىمەن بارلاۋ جۇمىسىن جۇرگىزەمىز. سول سەبەپتى اعا لەيتەنانت نە مايوردان جارىلاتىن زاتتاردىڭ بار-جوعىن سۇرادىق. ول جارىلاتىن زات جوق ەكەنىن ايتتى. وزدەرىڭىز دە ۆيدەودان كورگەن شىعارسىزدار؟! مەن ولاردىڭ (اسكەري ءبولىمنىڭ – Baq.kz) ءبىر ءورت سوندىرۋشىسىمەن بىرگە قارا تۇتىنگە سۋ شاشتىق. كەيىن قايتادان «جارىلعىش زات بار ما؟» دەپ سۇرادىم. ول «جوق» دەپ جاۋاپ بەردى. كەيىن تاعى سۋ بەردىك، - دەدى راسۋل مۇحامەدجانوۆ.
ول اۆتوكولىكتەگى سۋ بىتكەننەن كەيىن ارتقا قاراي شەگىنگەندە №4 ءورت ءسوندىرۋ ءبولىمىنىڭ ەكى كولىگى كەلگەنىن ايتتى. ءورت سوندىرۋشىلەر كوپ كولەمدە تاعى سۋ بەرگەن. ونىڭ كومەگى تيمەي، كىشىگىرىم جارىلىس پايدا بولعاندا ارتقا قاراي قاشقان.
اۆتوكولىكتەر سۋعا كەتتى. وسى ەكى ورتادا اسكەري ءبولىمنىڭ تانكىسىن سۋعا تولتىرىپ، ءورتتى ءسوندىرىپ كوردى. ودان دا ەشقانداي ناتيجە بولمادى. سوسىن ارتقا شەگىنىپ، باسقا كوماندانى كۇتتىك. كولىكتەر سۋ الىپ كەلگەننەن كەيىن ءبارىمىز جان-جاعىنان سوندىرەتىن بولدىق. مەن ارتقا قاراي بارا جاتقاندا ءبىرىنشى جارىلىس بولدى. ءبىر تالدىڭ استىنا بارىپ جاتىپ، ەسىمنەن تانىپ قالدىم. تۇنگى 12 مەن 1ء-دىڭ شاماسىندا مەنى اسكەريلەر تاۋىپ، الىپ كەتتى، - دەپ ايتىپ بەردى ءورت ءسوندىرۋشى.
راسۋل مۇحامەدجانوۆ ءورت ءسوندىرۋ سالاسىندا 2009 جىلدان بەرى قىزمەت ەتىپ كەلەدى. 2014 جىلعا دەيىن ءورت ءسوندىرۋشى بولىپ ىستەگەن. قازىرگى كۇنى قاراۋىل قىزمەتىندە.
ەسكە سالا كەتەيىك، بۇگىنگى كۇنى جارىلىستان زارداپ شەككەن 28 ناۋقاس اۋرۋحانادا ەمدەلىپ جاتىر.