جامبىل وبلىسىندا «كازفوسفات» ج ش س قۇرامىنا كىرەتىن كاسىپورىنداردا از ۋاقىت ىشىندە ەكى اۋىر وندىرىستىك وقيعا تىركەلىپ، سوڭى ادام ولىمىمەن اياقتالدى، دەپ حابارلايدى Aqshamnews.kz ءتىلشىسى.
العاشقى وقيعا 29 قاڭتاردا نوۆودجامبۋل فوسفور زاۋىتىندا بولعان. سەح №5 اۋماعىندا تەحنولوگيالىق جۇمىستار كەزىندە پەشتەن ىستىق شلاك اتقىلاپ، ءۇش جۇمىسشى كۇيىك شالعان. زارداپ شەككەندەردىڭ ءبىرى – 1994 جىلى تۋعان وپەراتور دەنەسىنىڭ 45%-ىن قامتىعان اۋىر تەرموحيميالىق كۇيىك الىپ، جانساقتاۋ بولىمىنە جەتكىزىلگەنىمەن، بىرنەشە كۇننەن كەيىن كوز جۇمدى. ال 1983 جانە 2003 جىلى تۋعان ەكى قىزمەتكەر كۇيىك بولىمىندە ەم قابىلداپ جاتىر، جاعدايى ورتاشا اۋىر دەپ باعالانعان.
بۇدان كەيىن «كازفوسفاتقا» قاراستى مينەرالدى تىڭايتقىشتار زاۋىتىندا دا قايعىلى جاعداي بولدى. كاسىپورىن اۋماعىندا جۇك كولىگىنىڭ جۇرگىزۋشىسى بەلاز جۇك كولىگىنىڭ استىندا قالىپ، وقيعا ورنىندا قازا تاپقان. الدىن الا دەرەك بويىنشا، 1992 جىلى تۋعان جۇرگىزۋشى كولىكتىڭ بورتىنا جۇك بايلاۋ كەزىندە ارتقا قوزعالعان اۋىر تەحنيكانىڭ استىندا قالعان.
كاسىپورىن ازىرگە وقيعالارعا قاتىستى رەسمي مالىمدەمە جاساعان جوق. قاتارىنان بولعان بۇل جاعدايلار وندىرىستەگى ەڭبەك قاۋىپسىزدىگى تالاپتارىنىڭ ساقتالۋى ماسەلەسىن قايتا كوتەردى.