تۇركيادا بالالاردى عالامتوردىڭ زياندى اسەرىنەن قورعاۋعا باعىتتالعان جاڭا ەرەجەلەر ازىرلەنىپ جاتىر، دەپ حابارلايدى Aqshamnews.kz ءتىلشىسى.
زاڭنامالىق تۇزەتۋلەر قابىلدانعاننان كەيىن كامەلەتكە تولماعانداردىڭ الەۋمەتتىك جەلىلەردى قولدانۋىنا قاتاڭ شەكتەۋ ەنگىزىلۋى مۇمكىن.
باستاماعا سايكەس، 15 جاسقا تولماعان بالالارعا اتا-اناسىنىڭ رۇقساتىن السا دا الەۋمەتتىك جەلىدە اككاۋنت اشۋعا تىيىم سالىنادى. بۇل جاستاعىلارعا تەك ءوز جاسىنا ساي ونلاين ويىندار مەن سيفرلىق پلاتفورمالارعا قول جەتكىزۋگە رۇقسات ەتىلەدى.
سونىمەن بىرگە الەۋمەتتىك جەلى پلاتفورمالارىنا بالالار قاۋىپسىزدىگىن كۇشەيتۋ، ينتەرنەتكە تاۋەلدىلىكتىڭ الدىن الۋ تەتىكتەرىن ىسكە قوسۋ مىندەتتەلمەك. ويىندارعا تولىق تىيىم سالىنبايدى، الايدا ناقتى جاس رەيتينگى جۇيەسى ەنگىزىلىپ، ءار بالا تەك ءوز جاسىنا ساي كونتەنتتى پايدالانا الادى.
تاعى ءبىر تالاپ – جاستى تەكسەرۋ جۇيەسىن ەنگىزۋ. قولدانۋشىلاردىڭ جاسىن انىقتاۋ راسىمدەرى ارنايى ەرەجەلەرمەن بەكىتىلىپ، جاسىنا سايكەس ەمەس كونتەنتكە قولجەتىمدىلىك شەكتەلەدى. بۇعان قوسا اتا-انالاردىڭ بالالاردىڭ سيفرلىق ورتاداعى ارەكەتىن باقىلاۋ قۇقىعى كەڭەيىپ، زياندى مازمۇن تۋرالى جەدەل شاعىم تۇسىرۋگە ارنالعان ەلەكتروندى جۇيە قۇرىلماق.
ايتا كەتەيىك، قازاقستاندا دا 16 جاسقا دەيىن جاسوسپىرىمدەرگە الەۋمەتتىك جەلىدە تىركەلۋگە شەكتەۋ قويۋ ماسەلەسى قاراستىرىلىپ جاتىر. بۇل ۇسىنىس ونلاين-پلاتفورمالار مەن ب ا ق قىزمەتىن رەتتەيتىن زاڭ جوباسىندا قامتىلىپ، قۇجات ساراپتامادان ءوتىپ، قوعامدىق تالقىلاۋعا شىعارىلعان.