ايەلدەر تەننيس قاۋىمداستىعى WTA جەكەلەي جانە جۇپتىق سىنداعى جاڭارتىلعان رەيتينگتى جاريالادى، دەپ حابارلايدى Aqshamnews.kz ءتىلشىسى.
جەكەلەي سىندا قازاقستاننىڭ ءبىرىنشى راكەتكاسى ەلەنا رىباكينا Australian Open 2026 تۋرنيرىندەگى جەڭىسىنەن كەيىن 5-ورىننان 3-ورىنعا كوتەرىلدى. وسىلايشا ول مەلبۋرن تورىندەگى تۋرنيردە چەمپيون اتانعان قازاقستان تەننيسىندەگى العاشقى سپورتشى رەتىندە تاريحقا ەندى. بۇل - ونىڭ مانسابىنداعى ەڭ جوعارى كورسەتكىشتىڭ قايتالانۋى: 2023 جىلى دا 3-ساتىعا شىققان.
رەيتينگتە يۋليا پۋتينسيەۆا بىردەن 24 ورىنعا جوعارىلاپ، 70-ورىنعا تۇراقتادى. زارينا دياس 282-ورىندا، ال جىبەك قۇلامبايەۆا ءۇش ساتى تومەندەپ، 387-ورىنعا ءتۇستى. ال كوش باسىنداعى العاشقى ەكى ورىن وزگەرىسسىز: ارينا سوبولەنكو مەن يگا شۆونتەك ءوز پوزيسيالارىن ساقتاپ قالدى.
جۇپتىق سىندا اننا دانيلينا ءۇش ورىنعا كوتەرىلىپ، 11-ورىنعا شىقتى. توپ-3 قاتارىندا كاتەرينا سينياكوۆا، تەيلور تاۋنسەند بار، ال جاسمين پاوليني مەن سارا ەرراني ءۇشىنشى ورىندى ءبولىسىپ تۇر.