جامبىل وبلىسىندا جۇك پويىزىنىڭ ۆاگوندارى رەلستەن شىعىپ، سالدارىنان جولاۋشىلار پويىزى كىدىرىپ جاتىر، دەپ حابارلايدى Almaty-akshamy.kz.
جامبىل وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، 17 شىلدە ساعات 01.29-دا شۋ اۋدانىندا اسپارا ستانسياسىندا ۆاگوندار رەلستەن شىعىپ كەتكەن.
«تاراز - شۋ» باعىتىنداعى جۇك پويىزدارىنىڭ ۆاگوندارى رەلستەن شىعىپ كەتتى. سالدارىنان جولاۋشىلار پويىزى كىدىرىپ جاتىر. وسىعان بايلانىستى جامبىل وبلىستىق تجد ازاماتتاردى پسيحولوگيالىق قولداۋ ءۇشىن «جەدەل جەلى» اشتى. جەدەل جەلى تەلەفوندارى - 8(726 )51-35-75، 8(726) 41-41-67»، - دەپ ءتۇسىندىردى ۆەدومستۆودان.