16 ادام ءتۇرلى دەنە جاراقاتىمەن اۋداندىق اۋرۋحاناعا جەتكىزىلدى
وقيعا 21 ماۋسىمنىڭ تۇنىندە "باتىس ەۋروپا-باتىس جۇڭگو" تاس جولىنىڭ 389 شاقىرىمىندا بولعان، دەپ حابارلايدى Almaty-akshamy.kz جامبىل وبلىستىق پروكۋراتۋراسىنىڭ باسپا ءسوز قىزمەتىنە سىلتەمە جاساپ.
ءقازىر اپاتتىڭ سەبەبى انىقتالىپ جاتىر.
جامبىل وبلىستىق پروكۋراتۋراسى تاراتقان اقپاراتقا ساي، تۇرار رىسقۇلوۆ اۋدانىندا الماتىعا بارا جاتقان اۆتوبۋس اپاتقا ۇشىراعان. كولىكتىڭ ساۋ-تامتىعى قالماپتى. 2 جولاۋشى قايتىس بولىپ، 16 ادام ءتۇرلى دەنە جاراقاتىمەن اۋداندىق اۋرۋحاناعا جەتكىزىلگەن.
«اتالعان دەرەك بويىنشا اۋداندىق پوليسيا ءبولىمى قك-تىڭ 345-بابى 4-بولىگىمەن سوتقا دەيىنگى تەرگەپ-تەكسەرۋدى باستادى»، – دەپ حابارلايدى وبلىستىق پروكۋراتۋرانىڭ باسپا ءسوز قىزمەتى.