جەردى زاڭسىز يەلەنۋ بويىنشا 391 مىڭ وقيعا انىقتالدى
عارىشتان جاسالعان مونيتورينگ ناتيجەسىندە ەل تەرريتورياسىندا قازبا بايلىقتى زاڭسىز وندىرگەن 21 وقيعا تىركەلدى، دەپ حابارلايدى Almaty-akshamy.kz.
سيفرلىق دامۋ، يننوۆاسيالار جانە اەروعارىش مينيسترلىگىنىڭ مالىمەتىنشە، كوسمومونيتورينگ ارقىلى 1،1 ملن گا جايىلىم، 19،6 ملن گا ەگىستىك جەرى يگەرىلمەي جاتقانى انىقتالعان.
«جەردىڭ سيفرلىق نۇسقاسىن جاساۋ بارىسىندا 2 641 زاڭسىز اعاش كەسۋ پوليگونى، 6،5 ملن گا ورتەنگەن جەر، 7،3 مىڭ قوقىس ورنى بەلگىلى بولدى. سونداي-اق پايدالى قازبا بايلىقتاردى زاڭسىز ءوندىرۋ بويىنشا 21 وقيعا، جەردى زاڭسىز يەلەنۋ بويىنشا 391 مىڭ وقيعا انىقتالدى»، - دەلىنگەن مينيسترلىك مالىمەتىندە.
بۇدان وزگە ۆەدومستۆا نۇر-سۇلتان، الماتى جانە شىمكەنت قالالارىنداعى 5G تەحنولوگياسىن ەنگىزۋ بويىنشا سىناق جۇرگىزگەن.
ستراتەگيالىق جوسپارلاۋ دەپارتامەنتىنىڭ ديرەكتورى مەيىربەك مۇقاتوۆ بۇل باعىتتاعى جۇمىس ءساتتى اياقتالعانىن مالىمدەدى.
سونىمەن قاتار مينيسترلىك بيىل 140 اۋىلدا ينتەرنەت ساپاسىن جاقسارتۋ بويىنشا جۇمىستار جۇرگىزىپ جاتىر.