جامبىل وبلىسىندا ورتالىق ازيادا تەڭدەسى جوق جەل تۋربينالارىنىڭ كومپونەنتتەرىن شىعاراتىن زاۋىتتىڭ ىرگەتاسى قالاندى، دەپ حابارلايدى aqshamnews.kz
جامبىل وبلىسىنىڭ شۋ اۋدانىندا «Jibek Joly» ارنايى ەكونوميكالىق ايماعىندا ورتالىق ازيادا تەڭدەسى جوق زاۋىتتىڭ ىرگەتاسى قالاندى. سالتاناتتى شاراعا جامبىل وبلىسىنىڭ اكىمى ەربول قاراشوكەيەۆ، قازاقستان رەسپۋبليكاسى ەنەرگەتيكا ءمينيسترىنىڭ ورىنباسارى ءىلياس باقىتجان، «سامۇرىق-قازىنا» اق باسقارما ءتوراعاسى نۇرلان جاقىپوۆ، سونداي-اق الماتىداعى جۇڭگو حالىق رەسپۋبليكاسىنىڭ باس كونسۋلى سزيان ۆەي مەن SANY Renewable Energy كومپانياسىنىڭ وكىلدەرى قاتىستى.
شارادا قۇتتىقتاۋ ءسوز سويلەگەن وبلىس اكىمى ەربول قاراشوكەيەۆ، «سامۇرىق-قازىنا» اق باسقارما ءتوراعاسى نۇرلان جاقىپوۆ جانە SANY Renewable Energy كومپانياسىنىڭ اتقارۋشى پرەزيدەنتى چجوۋ فۋگۋي جاڭا جوبانىڭ ماڭىزدىلىعىن اتاپ ءوتىپ، ونىڭ قازاقستان ەكونوميكاسى ءۇشىن زور ءمانى بار ەكەنىن ايتتى.
جوبا قۇنى 53،6 ميلليارد تەڭگە
ينۆەستيسيالىق جوبانى SANY Renewable Energy كومپانياسى مەن وتاندىق «سامۇرىق-قازىنا ينۆەست» ج ش س بىرلەسىپ جۇزەگە اسىرۋدا. جالپى جوبانىڭ قۇنى 53،6 ميلليارد تەڭگەنى قۇرايدى. زاۋىت 2025 جىلدىڭ سوڭىنا دەيىن قولدانىسقا بەرىلۋى جوسپارلانىپ وتىر. جاڭا ءوندىرىس وشاعى جىلىنا 2 گۆت جەل ەلەكتر ستانسياسىنا قاجەتتى قۇرال-جابدىقتار شىعاراتىن بولادى.
جاڭا جۇمىس ورىندارى مەن ءبىلىم بەرۋ مۇمكىندىكتەرى
زاۋىتتىڭ قۇرىلۋى 300-گە جۋىق جاڭا جۇمىس ورنىن اشۋعا مۇمكىندىك بەرەدى. جۇمىسشىلاردىڭ بىلىكتىلىگىن ارتتىرۋعا ەرەكشە كوڭىل بولىنبەك. جوبا تەك ىشكى نارىقتى عانا ەمەس، سونىمەن قاتار ەكسپورتتىق الەۋەتتى دە قامتاماسىز ەتۋگە باعىتتالعان.
جامبىل وبلىسىنداعى ينۆەستيسيالىق جوبالار
جامبىل وبلىسىندا جالپى قۇنى 3،3 ترلن. تەڭگەنى قۇرايتىن 80 ينۆەستيسيالىق جوبا جۇزەگە اسىرىلۋدا. بۇل جوبالار 6 362 جاڭا جۇمىس ورنىن قۇرۋعا مۇمكىندىك بەرەدى. سونىمەن قاتار، شەتەلدىك ينۆەستورلاردىڭ قاتىسۋىمەن 1،6 ترلن. تەڭگەگە 12 ينۆەستيسيالىق جوبا ىسكە اسىرىلىپ، 4 500 جۇمىس ورنى اشىلادى.
جاڭارتىلاتىن ەنەرگيا كوزدەرىن دامىتۋ
جامبىل وبلىسى جاڭارتىلاتىن ەنەرگيا كوزدەرىن (جەك) دامىتۋ بويىنشا كوش باستاپ تۇر. وڭىردە جالپى قۋاتى 571،3 مۆت-تى قۇرايتىن 22 جەك نىسانى جۇمىس ىستەيدى. ونىڭ ىشىندە 6 سۋ ەلەكتر ستانسياسى (24،4 مۆت)، 10 جەل ەلەكتر ستانسياسى (275،6 مۆت)، 6 كۇن ەلەكتر ستانسياسى (251،25 مۆت) بار. 2024 جىلدىڭ 10 ايىندا 588،4 ملن. كۆت/ساع. ەلەكتر قۋاتى ءوندىرىلدى.
الداعى جىلدارى شەتەلدىك الەۋەتتى كومپانيالارمەن بىرلەسىپ، مويىنقۇم، تالاس، سارىسۋ اۋداندارىندا ءىرى جەل ەلەكتر ستانسيالارىن سالۋ جوسپارلانۋدا.
«Jibek Joly» ارنايى ەكونوميكالىق ايماعىنداعى جوبالار
سونداي-اق، جامبىل وبلىسىنىڭ اكىمى ەربول قاراشوكەيەۆ «Jibek Joly» ارنايى ەكونوميكالىق ايماعىن ارالاپ، بىرنەشە ءوندىرىس وشاقتارىنىڭ قۇرىلىس قارقىنىن تەكسەردى. اتاپ ايتقاندا، «Taraz Gelatin» (جەلاتين، سابىن، كوللاگەن ءوندىرىسى مەن تەرى وڭدەۋ)، «JVictorNewEnergy» (كرەمنيي ءوندىرىسى) جانە «Kazakhstan Hydrogen Peroxide» (سۋتەگى اسقىن توتىعى ءوندىرىسى) سىندى وندىرىستەردىڭ قۇرىلىس جۇمىستارىمەن تانىستى.
الداعى جوسپارلار
جالپى، «Jibek Joly» ارنايى ەكونوميكالىق ايماعىندا 19 جوبانى جۇزەگە اسىرۋ كوزدەلگەن. قازىرگى تاڭدا 3 ءوندىرىس ىسكە قوسىلىپ، جەتى جوبانىڭ قۇرىلىسى ءجۇرىپ جاتىر.
بۇل جوبالار جامبىل وبلىسىنىڭ ەكونوميكاسىن ودان ءارى نىعايتۋعا، جاڭا جۇمىس ورىندارىن اشۋعا جانە ءوڭىردىڭ يندۋستريالدى دامۋ دەڭگەيىن ارتتىرۋعا باعىتتالعان.