جامبىل وبلىسىندا ءدىني الاۋىزدىقتى قوزدىرعان ءتورت ادام ەكى جىلعا سوتتالدى

جامبىل وبلىسىندا ءدىني راديكاليزممەن ايىپتالعان 4 ادامعا قاتىستى ۇكىم شىقتى، - دەپ حابارلايدى aqshamnews.kz ءتىلشىسى. 

بيىل بىرلەسۋ ەڭبەك اۋىلىندا جامبىل اۋدانى پروكۋراتۋراسىنىڭ نۇسقاۋى نەگىزىندە پوليسيا مەن ۇلتتىق قاۋىپسىزدىك كوميتەتىنىڭ قىزمەتكەرلەرى ءدىني الاۋىزدىقتى ءناسيحاتتايتىن ادەبيەتتەردى تاراتقان 4 ادامنان قۇرالعان ادامدار توبىن قۇرىقتادى.

بۇل تۇلعالار ەل اۋماعىندا تىيىم سالىنعان ءدىني ماتەريال مەن ۋاعىز-ناسيحاتتى الەۋمەتتىك جەلىلەردە جاريالاپ وتىرعان.  

كۇدىككە ىلىنگەن تۇلعالاردىڭ ءۇي جايلارىنا ءتىنتۋ بارىسىندا قازاقستان رەسپۋبليكاسىنىڭ اۋماعىندا ءدىني الاۋىزدىقتى قوزدىرۋشى رەتىندە تاراتۋعا تيىم سالىنعان ماتەريالدار تاركىلەنگەن.

بيىل ماۋسىمدا جامبىل اۋداندىق سوتىمەن جوعارىدا كورسەتىلگەن تۇلعالار قك-نىڭ 174-بابى 1-بولىگىمەن كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ (ءدىني الاۋىزدىقتى قوزدىرۋ)، ءارقايسىسىنا 2 جىل مەرزىمگە باس بوستاندىعىنان ايىرۋ جازالارى تاعايىندالدى.

سوت ۇكىمدەرى زاڭدى كۇشىنە ەندى.

پروكۋراتۋرا ورگاندارى الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى ناسيحاتتايتىن ادەبيەتتى نەمەسە وزگە دە اقپارات جەتكiزگiشتەردi دايىنداعانى نەمەسە تاراتقانى ءۇشىن قىلمىستىق جاۋاپتىلىق كوزدەلگەنىن ەسكەرتەدى.