بيىل جىر الىبى جامبىل جابيەۆتىڭ تۋعانىنا 175 جىل بولدى.
ءبىر مىڭ دانا تارالىممەن شىققان كىتاپتىڭ باسىلىمىن قازاقستان قارجىلاندىردى، دەپ حابارلايدى Almaty-akshamy.kz
24.kz سايتىنىڭ حابارلاۋىنشا، جيناقتا جامبىلدىڭ قىرعىز اعايىندارعا ارناعان تۋىندىلارى دا بار. كىتاپتار كورشى ەلدىڭ وقىرمان قاۋىمىنا قىرعىز رەسپۋبليكاسى تاۋەلسىزدىگىنىڭ 30 جىلدىعىنا وراي تابىستالدى.
«جامبىل اتامىز 1920-شى جىلدارى وسى قىرعىز ەلىندە ءبىر تويدا بولعان ەكەن. سوندا بۇل كىسىلەردى ايتىستىرماق بولعان. ءبىراق سول كەزدە جامبىل اتامىز «ءبىز ەندى باۋىرداي بولىپ كەتكەن ادامدارمىز، سوندىقتان ايتىسپايمىز. ويتكەنى ايتىسقاننان كەيىن جەر-جەبىرىمىزگە جەتەمىز، ءبىز ولاي ارامىزدى اشقىمىز كەلمەيدى» دەپ ەكەۋى سول جەردە جاقسى تاراسقان ەكەن»، - دەيدى جامبىل جابايەۆ ادەبي-مەموريالدى مۋزەيىنىڭ ديرەكتورى سالتانات جامبىلوۆا.