جامبىل وبلىسىنداعى جاڭا جامبىل فوسفور زاۋىتىنداعى (ججفز) كەلەڭسىز جاعداي ايماق باسشىسى نۇرجان نۇرجىگىتوۆتىڭ جەكە باقىلاۋىندا، دەپ حابارلايدى اlmaty-akshamy.kz قازاقپاراتقا سىلتەمە جاساپ.
23 قاراشا كۇنى ساعات 11:40 شاماسىندا اتالعان كاسىپورىننىڭ 200-گە جۋىق قىزمەتكەرى حيميا زاۋىتى باسشىلارىنىڭ ءبىرىنىڭ ارەكەتىنە نارازىلىق بىلدىرگەن. جامبىل وبلىسى اكىمدىگىنىڭ ەڭبەك ينسپەكسياسى باسقارماسىنىڭ مالىمەتىنشە، سونىڭ ناتيجەسىندە «قازفوسفات» كاسىپورنىنىڭ جۇمىسشىلارى اراسىندا تۇسىنىسپەۋشىلىك ورىن العان. «قازفوسفات» ج ش س سيفرلىق ترانسفورماسيا ءبولىمىنىڭ باسشىسى ارىپتەستەرىنە قاتىستى دورەكى سويلەگەن»، - دەلىنگەن رەسمي حابارلامادا.
وقيعا ورنىنا دەر كەزىندە بارعان جامبىل وبلىسى اكىمىنىڭ ءبىرىنشى ورىنباسارى نۇرجان كالەندەروۆ، وبلىس اكىمىنىڭ ورىنباسارى قاناتبەك مادىبەك، وبلىس پروكۋرورىنىڭ ورىنباسارى نۇربەك ۇلاسبەك ۇلى مەكەمە قىزمەتكەرلەرىمەن كەزدەسىپ، ءتۇسىندىرۋ جۇمىستارىن جۇرگىزدى.
قازىرگى كەزدە «قازفوسفات» ج ش س سيفرلىق ترانسفورماسيا ءبولىمىنىڭ باسشىسى، رەسەي ازاماتى ارىپتەستەرىنەن كەشىرىم سۇرادى. سونىمەن قاتار ول قىزمەتىنەن بوساتىلدى.
«وسى فاكتى بويىنشا 20 ەرىكتى قىزمەتكەردەن تۇراتىن جۇمىس توبى قۇرىلدى. توپ قۇرامىنا سەح جەتەكشىلەرى، كاسىپوداق وكىلدەرى كىردى، ولار وزەكتى ماسەلەلەر بويىنشا جۇمىستار جۇرگىزىلۋدە. قازىرگى تاڭدا كاسىپورىنداعى جاعداي تۇراقتى. زاۋىت شتاتتىق رەجيمدە جۇمىس ىستەپ تۇر»، - دەپ حابارلادى ۆەدومستۆو.