«جالىن» تەليەۆيزيالىق جاستار بايقاۋى جاريالاندى

كامال سمايىلوۆ پەن ساعات اشىمبايەۆ اتىنداعى تەليەۆيزيالىق بايقاۋ جاريالاندى.

«قازاقستان» تەلەراديوكورپوراسياسى جازۋشى-پۋبليسيست، ونەرتانۋشى، تەليەۆيزيا قايراتكەرى كامال سمايىلوۆتىڭ 90 جىلدىعىنا جانە تەلەجۋرناليست، جازۋشى، قوعام قاراتكەرى ساعات اشىمبايەۆتىڭ 75 جىلدىعىنا وراي «جالىن» تەليەۆيزيالىق جاستار بايقاۋىن جاريالادى، دەپ حابارلايدى Almaty-akshamy.kz Elorda.info-عا سىلتەمە جاساپ. 

كونكۋرسقا جوعارى وقۋ ورىندارىنىڭ ستۋدەنتتەرى مەن 30 جاسقا دەيىنگى جاس جۋرناليستەر جانە رەجيسسەرلەر قاتىسا الادى.

كونكۋرس شارتتارى:

كونكۋرسقا  2021-2022 جىلدارى ءتۇسىرىلىپ، ەفيرگە شىققان قازاق تىلىندەگى اۆتورلىق شىعارماشىلىق جۇمىستار قابىلدانادى. كونكۋرس جۇمىستارى 2022 جىلعى 30 ساۋىرگە دەيىن qazaqstan.tv سايتى ارقىلى جولدانۋى ءتيىس.

بايقاۋ اتالىمدارى:

- ۇزدىك دەرەكتى فيلم؛

- ۇزدىك رەجيسسەرلىك جۇمىس؛

- ۇزدىك اۆتورلىق باعدارلاما؛

- ۇزدىك سيۋجەت.

جەڭىمپازداردى ۇيىمداستىرۋشىلار مەن ارنايى قۇرىلعان كوميسسيا انىقتايدى. ۇزدىك شىققان جوبا يەگەرلەرى قارجىلاي سىيلىقتارمەن ماراپاتتالىپ، جۇمىستار «قازاقستان» رترك» اق رەسمي سايتىنا ورنالاستىرىلادى.

تەليەۆيزيالىق «جالىن» جاستار كونكۋرسى «قازاقستان» تەلەراديوكورپوراسياسىنىڭ باستاماسىمەن العاش رەت ۇيىمداستىرىلىپ وتىر.  بۇگىندە كورپوراسيانىڭ «التىن قورىندا» 1980-1991 جىلدارى كامال سمايىلوۆ پەن ساعات اشىمبايەۆتىڭ جەتەكشىلىگىمەن اشىلعان ۇلتتىق تەليەۆيزيا جاۋھارى سانالاتىن «اسىل مۇرا»، «كوكپار» ، «قىمىزحانا»، «التىباقان» «ايتىس»، «تەرمە»، «تاماشا»، «پارىز بەن قارىز»، «جۇرەكتەن قوزعايىق» باعدارلامالارى ساقتاۋلى.