الماتى قالاسىنىڭ انتيتەرروريستىك كوميسسياسى اپپاراتى مەملەكەتتىك قىزمەتكەرلەرىنىڭ لاڭكەستىككە قارسى ساۋاتتىلىعىن ارتتىرۋ ماقساتىندا دەپارتامەنت ەكونوميكالىق تەرگەۋ قىزمەتكەرلەرىمەن ءدارىس وتكىزدى.
وقىتۋ ءىس-شاراسىن وتكىزۋدىڭ وزەكتىلىگى قۇقىق قورعاۋ ورگاندارى عيماراتتارىنا «بومبا قويىلعانى» تۋرالى جالعان قوڭىراۋلار مەن حابارلامالاردىڭ كوبەيۋىنە بايلانىستى، دەپ حابارلايدى aqshamnews.kz.
ءدارىس بارىسىندا الماتى قالاسى پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى مەن كۇزەت قىزمەتىن باقىلاۋ ءبولىمىنىڭ قىزمەتكەرلەرى بايانداما جاسادى.
قاتىسۋشىلارعا «لاڭكەستىك قاتەرلەر تۋىنداعان جاعدايدا ارەكەت ەتۋ الگوريتمى» جان-جاقتى ءتۇسىندىرىلدى. سونىمەن قاتار، لاڭكەستىك قاۋىپتەر تۋرالى حاباردارلىقتى ارتتىرۋعا باعىتتالعان اڭگىمە جۇرگىزىلدى. شەتەلدىك تاجىريبە نەگىزىندە قۇقىق قورعاۋ ورگاندارىنا جاسالعان لاڭكەستىك ارەكەتتەر تۋرالى مىسالدار كەلتىرىلدى.
ءدارىس بارىسىندا قاتىسۋشىلار ءتۇرلى لاڭكەستىك جاعدايلار كەزىندەگى قىزمەتكەرلەردىڭ ءىس-قيمىلدارىنا قاتىستى سۇراقتار قويدى.
وتكىزىلگەن ءىس-شارانىڭ فورماتى وڭ باعالانىپ، دەپارتامەنت ەكونوميكالىق تەرگەۋ قىزمەتكەرلەرىنىڭ لاڭكەستىككە قارسى ساۋاتتىلىعىن ارتتىرۋعا مۇمكىندىك بەردى.