اباي وبلىسىنىڭ اكىمى لاۋازىمىنان بوساتىلدى

مەملەكەت باسشىسىنىڭ جارلىعىمەن نۇرلان تەلمان ۇلى ۇرانحايەۆ اباي وبلىسىنىڭ اكىمى لاۋازىمىنان بوساتىلدى.

نۇرلان تەلمان ۇلى ۇرانحايەۆ 1965 جىلى 4 مامىردا دۇنيەگە كەلگەن، دەپ حابارلايدى aqshamnews.kz.

1987 جىلى ۆ. ي. لەنين اتىنداعى قازاق پوليتەحنيكالىق ينستيتۋتى، «ينجەنەر-مەحانيك» ماماندىعى بويىنشا، 2001 جىلى قازاق قارجى-ەكونوميكالىق ينستيتۋتىن «ەكونوميست-مەنەدجەر» ماماندىعى بويىنشا جانە 2006 جىلى شىعىس قازاقستان مەملەكەتتىك تەحنيكالىق ۋنيۆەرسيتەت، «ينجەنەر-قۇرىلىسشى» ماماندىعى بويىنشا بىتىرگەن.

مانساپ
ەڭبەك جولىن 1987 جىلى سەمەي قالاسىنىڭ «كازپرومتەحمونتاج» ترەسىندە شەبەر، پروراب بولىپ باستاعان.
1995-1997 جىلدارى — سەمەي قالاسىنىڭ «سارى-ارقا» اق سەنىم بىلدىرىلگەن باسقارۋشىسى.
2001-2003 جىلدارى — «كازيركۋتسكلەس» جتاق باس ديرەكتورى (يركۋتسك وبلىسى).
2003-2005 جىلدارى — شىعىس قازاقستان وبلىسىنىڭ ەنەرگەتيكا، تۇرعىن ۇي-كوممۋنالدىق شارۋاشىلىق، قۇرىلىس جانە كولىك باسقارماسىنىڭ باستىعى.
2005-2006 جىلدارى — شىعىس قازاقستان وبلىسى كۇردەلى قۇرىلىس باسقارماسىنىڭ باستىعى.
2006-2007 جىلدارى — شىعىس قازاقستان وبلىسى اكىمىنىڭ ورىنباسارى.
2007 ج.— استانا قالاسى، ق ر تجم مەملەكەتتىك ماتەريالدىق رەزەرۆتەر كوميتەتى ءتوراعاسىنىڭ ورىنباسارى.
2008 جىلى — قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى، استانا قالاسى.
2009-2010 جىلدارى — «ەرتىس» اكك باسقارما ءتوراعاسىنىڭ ورىنباسارى، سەمەي قالاسى
2010-2013 جىلدارى — قىزىلوردا وبلىسى اكىمىنىڭ ورىنباسارى.
2013-2014 جىلدارى — سەمەي قالاسى گۋمانيتارلىق يننوۆاسيالىق زاڭ ۋنيۆەرسيتەتى پرەزيدەنتىنىڭ كەڭەسشىسى.
2014 ج. — ق ر تۇتىنۋشىلاردىڭ قۇقىقتارىن قورعاۋ اگەنتتىگى ءتوراعاسىنىڭ ورىنباسارى، استانا قالاسى.
2015-2017 جىلدارى — ۇلتتىق ەكونوميكا مينيسترلىگىنىڭ «قازقسعزي» اق باس ديرەكتورى، استانا قالاسى.
2017-2018 جىلدارى — الماتى قالاسى ساۋلەت جانە قالا قۇرىلىسى باسقارماسىنىڭ باسشىسى.
2019 – 2022 جىلدارى — استانا قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى.
2022 جىلدىڭ ماۋسىمىندا اباي وبلىسىنىڭ اكىمى بولىپ تاعايىندالدى.