جالعان كەلىسىمشارت جاساپ، جۇرتتى الداپ كەلگەن جيھاز جاساۋشى انىقتالدى

جيھاز جاساۋشى ۇستا الماتىلىقتاردى بىرنەشە ميلليون تەڭگەگە الداپ كەتتى

الاتاۋ اۋداندىق پوليسيا باسقارماسى 29 جاستاعى الماتى وبلىسىنىڭ تۇرعىنىنا قاتىستى ق ر قك-نىڭ 190-بابى 3-بولىگى بويىنشا قىلمىستىق ءىستى تەرگەپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ەر ادام Instagram الەۋمەتتىك جەلىسىندە جيھاز وندىرىسىندەگى باسقا ادامداردىڭ سۋرەتتەرىن الىپ پاراقشا اشقان. سونىمەن قاتار، كۇدىكتى بۇل جۇمىستاردى وزىنىكى رەتىندە ۇسىنىپ، جيھازدى نارىق باعاسىنان الدەقايدا تومەن باعاعا جاساپ بەرۋدى ۇسىنعان. ول كليەنتتەردىڭ قوڭىراۋى بويىنشا ولشەۋگە بارادى، ءجۇز پايىز الدىن الا تولەمدى الا وتىرىپ، جالعان كەلىسىمشارت جاساعان. جەدەل ءىس-شارالار قولدانىلىپ، كۇدىكتى قاماۋعا الىندى. ءىستى قاراۋ بارىسىندا د.ەسىمدى ازامات كەم دەگەندە 14 ەپيزود جاساعانى ءۇشىن ۇستالدى. زارداپ شەككەندەردىڭ ءتىزىمى بۇدان دا كوپ بولۋى مۇمكىن ەكەندىگىن جوققا شىعارمايمىز. كۇدىكتىنىڭ باسقا دا قىلمىستارعا قاتىسى بار-جوعىن انىقتاۋ جۇمىستارى جالعاسۋدا»، – دەدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.

وسى ادامنىڭ ارەكەتىنەن زارداپ شەككەن ازاماتتاردى پوليسەيلەر مىنا تەلەفون نومىرلەرى ارقىلى حابارلاسۋعا شاقىرادى: 227-55-02؛ 8-708-380-54-00؛ 8-708-374-74-25.