اتىراۋ وبلىسى ءدىن ىستەرى باسقارماسىنىڭ قولداۋىمەن جانە “جاردەم-اتىراۋ” كورپوراتيۆتىك قورىنىڭ ۇيىمداستىرۋىمەن ز.قابدولوۆ اتىنداعى №40 ورتا مەكتەپتە “ءدىني ەكسترەميزم مەن تەرروريزمنىڭ الدىن الۋ” اتتى ءاقپاراتتىق-تۇسىندىرۋ كەزدەسۋى وتكىزىلدى. قاتىسقاندار سانى - 80.
ءىس-شارانىڭ ماقساتى – جاستار اراسىندا ءدىني ساۋاتتىلىقتى ارتتىرۋ، قوعامدا راديكالدى يدەولوگيالاردىڭ تارالۋىنىڭ الدىن الۋ جانە مەملەكەتتىك-كونفەسسيالىق ساياساتتى ءتۇسىندىرۋ.
كەزدەسۋگە اتىراۋ وبلىسى ءدىن ىستەرى باسقارماسىنىڭ باسشىسى قاھارمان مۋسايەۆ، ق ر مادەنيەت جانە اقپارات مينيسترلىگىنىڭ ءدىن ىستەرى كوميتەتى ءتوراعاسىنىڭ ورىنباسارى ادىلبەك سەيفۋللين، سونداي-اق كوميتەتتىڭ باس ساراپشىسى مەيىرمان كەلەسوۆ قاتىستى. سونىمەن قاتار، ءاقپاراتتىق-تۇسىندىرۋ توبىنىڭ مۇشەلەرى – “جاردەم-اتىراۋ” كق ديرەكتورىنىڭ ورىنباسارى مەيىربەك قۇبىشيەۆ، “شاپاعات” قق تەولوگ مامانى جاسۇلان باعىتجانوۆ، “اقپاراتتىق-تالداۋ ورتالىعى” كمم-نىڭ مامانى يساتاي عيزاتوۆ جانە اتىراۋ وبلىسى پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ جەدەل ۋاكىلى ولجاس سدىحوۆ قاتىستى.
كەزدەسۋ بارىسىندا ماماندار دەسترۋكتيۆتى ءدىني اعىمداردىڭ بەلگىلەرى، ينتەرنەتتەگى جالعان ءدىني ناسيحاتتان ساقتانۋ جولدارى جانە زايىرلى قوعامنىڭ قۇندىلىقتارى تۋرالى جان-جاقتى ماعلۇمات بەردى. وقۋشىلار مەن مۇعالىمدەر كوكەيدە جۇرگەن سۇراقتارىن قويىپ، ماماندار تاراپىنان ناقتى ءارى تۇسىنىكتى جاۋاپتار الدى.
اتىراۋ وبلىسى ءدىن ىستەرى باسقارماسىنىڭ باسشىسى قاھارمان مۋسايەۆ ءوز سوزىندە ءدىني ساۋاتتىلىقتىڭ ماڭىزدىلىعىنا ەرەكشە توقتالىپ، جاستاردىڭ اداسۋشىلىقتان ساقتانۋىندا مۇنداي كەزدەسۋلەردىڭ ءرولى زور ەكەنىن اتاپ ءوتتى.