قازاقستاننىڭ وقۋ-اعارتۋ مينيسترلىگى مەكتەپ وقۋشىلارىنا ماڭىزدى ەسكەرتۋ جاسادى، دەپ حابارلايدى aqshamnews.kz
ۆەدومستۆو بۇل حابارلامانى ءوز Telegram ارناسىندا جاريالادى.
"نازار اۋدارىڭىزدار، بالالار! قاۋىپسىزدىك تاقىرىبىندا ازىلدەرگە اباي بولىڭىزدار. سوڭعى كەزدە مەكتەپ وقۋشىلارى ءازىل رەتىندە تەرروريستىك ارەكەتتەر تۋرالى ايتىپ ءجۇر. ەگەر بىرەۋ كەزدەيسوق نەمەسە قاساقانا تەرروريستىك ارەكەت تۋرالى جالعان اقپارات بەرسە، بۇل جاۋاپكەرشىلىككە اكەپ سوعۋى مۇمكىن. ايىپپۇل، تۇزەتۋ جۇمىستارى نەمەسە ودان دا اۋىر شارالار قولدانىلۋى مۇمكىن"، – دەلىنگەن قازاقستان رەسپۋبليكاسىنىڭ وقۋ-اعارتۋ مينيسترلىگى باسپا ءسوز قىزمەتىنىڭ حابارلاماسىندا.
ءبىلىم مينيسترلىگى اتاپ وتكەندەي، مۇنداي ازىلدەر – جاي قاتەلىك ەمەس، زاڭ بۇزۋ بولىپ تابىلادى.
"ءتىپتى سەن ءالى جاۋاپكەرشىلىك جاسىنا جەتپەگەن بولساڭ دا، جاۋاپكەرشىلىك سەنىڭ اتا-اناڭا جۇكتەلۋى مۇمكىن. ءارقاشان ءوز ارەكەتتەرىڭنىڭ سالدارىن ويلاۋدى ۇمىتپا، سەبەبى قاۋىپسىزدىك – ەڭ ماڭىزدى نارسە!" – دەپ مەكتەپ وقۋشىلارىنا ەسكەرتۋ جاسالدى.