ءمامس جۇيەسىنە قاتىسپايتىن ادامدارعا ستاسيونار جاعدايىندا كورسەتىلەتىن شۇعىل، ومىرگە ءقاۋىپ توندىرەتىن جاعدايلار كەزىندەگى مامانداندىرىلعان مەديسينالىق كومەك تۇرلەرىنىڭ تىزبەسى بەكىتىلدى، دەپ حابارلايدى aqshamnews.kz
اتاپ ايتقاندا، ومىرگە ءقاۋىپ توندىرەتىن جەدەل جاعدايلار قاتارىنا جانە ستاسيوناردا كورسەتىلەتىن مامانداندىرىلعان مەديسينالىق كومەككە (ونىڭ ىشىندە تاۋلىك بويعى ستاسيوناردىڭ قابىلداۋ بولىمىندە دياگنوز انىقتالعانعا دەيىن جۇرگىزىلەتىن ەمدەۋ-دياگنوستيكالىق ءىس-شارالار) تومەندەگىدەي اۋرۋلار مەن جاعدايلار ەنگىزىلگەن:
جۇرەك-قانتامىر اۋرۋلارى (جەدەل كورونارلىق سيندروم، ينفاركت، ينسۋلت)؛
جاراقاتتار (اۋىر سىنۋلار، باس-مي جاراقاتى، دەنەگە وتەتىن جاراقاتتار)؛
تىنىس جەتىسپەۋشىلىگى (تىنىس جولدارىنىڭ بوگدە زاتپەن بىتەلۋى، پنيەۆمونيانىڭ اۋىر تۇرلەرى)؛
ءىشتىڭ قاتتى اۋىرۋى (سوقىرىشەكتىڭ قابىنۋى، ىشەك وتىمسىزدىگى، پەرفوراسيا بەلگىلەرى)؛
اللەرگيالىق رەاكسيالار (اۋىر انافيلاكسيا)؛
ۋلانۋلار (ۋلى حيميالىق زاتتارمەن، ەسىرتكىمەن نەمەسە اۋىر ينفەكسيالارمەن ۋلانۋ)؛
پسيحيكالىق بۇزىلىستار (جەدەل پسيحوزدار، سۋيسيدتىك ويلار نەمەسە وز-وزىنە قول جۇمساۋ ارەكەتتەرى)؛
ەندوكريندىك كريزدەر (گيپەرگليكەميالىق نەمەسە گيپوگليكەميالىق كوما، تيرەوتوكسيكالىق كريز)؛
ومىرگە ءقاۋىپ توندىرەتىن جانە تاۋلىك بويى باقىلاۋدى، قارقىندى تەراپيانى قاجەت ەتەتىن كەز كەلگەن جاعدايلار؛
جۇكتى ايەلدەر مەن بوسانعاننان كەيىنگى 42 كۇن ىشىندەگى ايەلدەردىڭ كەز كەلگەن شاعىمدارى.
بارلىعى 917 اۋرۋ ءتۇرى وسى تىزىمگە ەنگىزىلگەن.
بۇيرىق 2027 جىلعى 1 قاڭتاردان باستاپ كۇشىنە ەنەدى.