بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«مەملەكەت باسشىسىنىڭ تاپسىرماسى اياسىندا مينيسترلىك پايدالانۋعا بەرىلگەن كوپ پاتەرلى جانە جەكە تۇرعىن ۇيلەردىڭ بارلىعىن تەكسەرۋدى جوسپارلاپ وتىر. اقپان ايىنىڭ سوڭىنا دەيىن اكىمدىكتەر ءتيىستى وبەكتىلەردىڭ ءتىزىمىن جاسايدى. ناۋرىز ايىنىڭ سوڭىنا دەيىن ستاتيستيكا جانە ادىلەت ورگاندارىنىڭ دەرەكتەر بازاسىمەن سالىستىرىپ تەكسەرۋ جۇرگىزىلەدى»، - دەدى قايىربەك وسكەنبايەۆ.
سونداي-اق ييدم باسشىسى دەرەكتەر سايكەس كەلمەگەن جاعدايدا ۆەدومستۆو ءتيىستى ۇسىنىمدار ازىرلەپ، شەشىمدەر قابىلدايتىنىن اتاپ ءوتتى.
قايىربەك وسكەنبايەۆ جالدامالى باسپانانى سۋبسيديالاۋعا وتىنىمدەر قابىلداۋ بويىنشا سيفرلىق پلاتفورما 15 ناۋرىزدان باستاپ پيلوتتىق رەجيمدە ىسكە قوسىلاتىنىن ايتتى.
«پلاتفورما ەلەكتروندىق سيفرلىق قولتاڭبا ارقىلى ءوتىنىم بەرۋدى جانە ءوتىنىش بەرۋشىنىڭ قويىلاتىن تالاپتارعا سايكەستىگىن اۆتوماتتى تۇردە تەكسەرۋدى كوزدەيدى. ول سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، ادىلەت مينيسترلىگى، مەملەكەتتىك كىرىستەر كوميتەتى، ءبىلىم جانە عىلىم مينيسترلىگى، ەڭبەك مينيسترلىكتەردىڭ مەملەكەتتىك دەرەكتەر بازالارىمەن ينتەگراسيالاۋ ارقىلى ىسكە اسىرىلادى. وتىنىمدەردى قابىلداۋدى 5 ساۋىردەن باستاۋدى جوسپارلاپ وتىرمىز»، - دەپ ءتۇسىندىردى مينيستر.