«حالىق قاتىساتىن بيۋدجەت» باعدارلاماسىن ىسكە اسىرۋعا بارلىعى 2،7 ملرد. تەڭگە ءبولىندى.
بۇگىنگى تاڭدا 25 جوبا اياقتالىپ، باعدارلامانىڭ ءبىرىنشى كەزەڭىنىڭ 21 جوباسى ىسكە اسىرىلۋدا، وعان 1،8 ملرد تەڭگە ءبولىندى، دەپ حابارلايدى Almaty-akshamy.kz
«حالىق قاتىساتىن بيۋدجەت» باعدارلاماسى بويىنشا سالىنعان اقجار شاعىن اۋدانىنىڭ ساناتورنايا كوشەسىنىڭ بويىنداعى قوعامدىق كەڭەستىك (77 ملن. تەڭگە) جاقسى كورسەتكىش بولىپ تابىلادى. بۇرىن بۇل جەر قاراۋسىز قالعان بوس جەر بولعان، ال ەندى جەرگىلىكتى تۇرعىندار دەمالىپ، اڭگىمەلەسىپ، سپورتپەن شۇعىلدانا الاتىن، ەڭ ۇزدىك ستاندارتتارعا سايكەس كەلەتىن ورىنعا يە بولدى.
اتالعان باعدارلامانى ىسكە اسىرۋداعى وڭ تاجىريبەنى ەسكەرە وتىرىپ، ناۋرىزباي اۋدانىنا 16 جاڭا جوباعا بيىل قوسىمشا 875 ملن. تەڭگە ءبولىندى، جوبالار وسى جىلدىڭ قاراشا ايىندا اياقتالادى.
انىقتاما ءۇشىن: 1 جوبا – جەراستى وتكەلدەرىن اعىمداعى جوندەۋ، 2 جوبا – بالالار ويىن الاڭدارىن سالۋ، 4 جوبا - جاياۋ جۇرگىنشىلەر-كولىك جەلىسىن ۇيىمداستىرۋ جانە سالۋ، 9 جوبا - جاياۋ جۇرگىنشىلەر-سەرۋەندەۋ ايماقتارىن اباتتاندىرۋ جانە كوگالداندىرۋ.
قاراشا ايىنا دەيىن اۋدانداعى 3 جەراستى جاياۋ جۇرگىنشى وتكەلى اعىمداعى جوندەۋدەن ءوتىپ، جارىقتاندىرۋ اسپاپتارى تولىق بويالىپ، جوندەلەدى.
بۇگىنگى تاڭدا 1000 م ارىق جەلىسىن سالۋ، ءارى رەكونسترۋكسيالاۋ، 781 م سۋ بۇرۋ ارناسىن سالۋ، سونداي-اق 600 م ويجايلاۋ وزەنىنىڭ جاعالاۋىن كۇشەيتۋ ارقىلى توتەنشە جاعداي جەلىسى بويىنشا سۋ باساتىن 6 ۋچاسكە جويىلدى.
سونداي-اق الماتى قالاسىنىڭ باتىس بولىگىندە جالپى ۇزىندىعى 30 كم بولاتىن 34 كوشەدە ارىق جەلىسى مەن نوسەر كاناليزاسياسىن سالۋ جانە رەكونسترۋكسيالاۋ جوباسىن ىسكە اسىرۋ شەڭبەرىندە ۇزىندىعى 7 كم بولاتىن 6 ۋچاسكەدە جۇمىستار جۇرگىزىلۋدە. اياقتالۋ مەرزىمى - 2024 جىلدىڭ سوڭى.
وسى جىلدىڭ قىركۇيەك ايىندا قارعالى وزەنىنىڭ جاعالاۋىن كورىكتەندىرە وتىرىپ اباتتاندىرۋ، سىرتقى جارىقتاندىرۋ جەلىلەرىن، بالالار سپورت الاڭدارىن ورناتۋ جانە بوگەتتەن جاندوسوۆ كوشەسىنە دەيىن ۇزىندىعى 7،7 كم بولاتىن قوعامدىق كەڭىستىكتى جايلاستىرۋ جۇمىستارىن باستاۋدى جوسپارلاپ وتىرمىز. جوبا ازىرلەنىپ، قاراجات ءبولىندى (746 ملن. تەڭگە). 2024 جىلدىڭ شىلدە ايىنىڭ سوڭىنا دەيىن اياقتايمىز.
جاسىل جەلەكتەردى تيىسىنشە كۇتىپ-باپتاۋ ماقساتىندا 3 ۋچاسكەدە (اقجار شاعىن اۋدانى مەن الاتاۋ داڭعىلىنداعى 2 سكۆەر) وسى جىلدىڭ قىركۇيەك ايىنىڭ سوڭىنا دەيىن ۇزىندىعى 4 كم بولاتىن اۆتوماتتاندىرىلعان سۋارۋ جۇيەسىن سالۋ جۇمىستارى اياقتالادى.
بەينەمونيتورينگ جۇيەسىن كەڭەيتۋ جوباسى بويىنشا بيىلعى جىلدىڭ سوڭىنا دەيىن سىزدەردىڭ اۋداندا 900 جاڭا بەينەكامەرا ورناتۋ جوسپارلانۋدا، ونىڭ ىشىندە اۋلالاردا - 565، كوشە قيىلىستارىندا – 295، ساياباقتار مەن سكۆەرلەردە - 40 كامەرا قويىلادى.