جىل اياعى جاقىنداعاندا ۇكىمەت ءوز جۇمىسىنا شولۋ جاساپ، قورىتىندى جاساۋدا، دەپ حابارلايدى almaty-akshamy.kz.
Primeminister.kz رەداكسياسى 2023 جىلدى قازاقستاننىڭ ءتۇرلى سالالارداعى دامۋ ناتيجەلەرى تۋرالى ماتەريالدار سەرياسىمەن قورىتىندىلاۋدى جالعاستىرادى.
بۇگىنگى شولۋدا ءبىلىم بەرۋ سالاسى تۋرالى اڭگىمە قوزعالادى. قازىرگى ۋاقىتتا رەسپۋبليكادا مەملەكەت باسشىسىنىڭ بارلىق دەڭگەيدەگى ءبىلىم بەرۋ سالاسىن نىعايتۋ جونىندەگى ءبىرقاتار ماڭىزدى باستامالارى ىسكە اسىرىلۋدا.
اتاپ ايتقاندا، وسى جىلدىڭ ايشىقتى وقيعالارىنىڭ ءبىرى «جايلى مەكتەپ» ۇلتتىق جوباسىنىڭ باستالۋى بولدى، ونىڭ اياسىندا 740 مىڭ وقۋشىعا ارنالعان جاڭا فورماتتاعى 369 مەكتەپ سالىنادى. بيىلعى ءبىلىم بەرۋ سالاسىنداعى جاڭا جوبالار مەن قول جەتكىزىلگەن ناتيجەلەر تۋرالى وسى ماتەريالدان وقىڭىزدار.