الماتىدا 2024 جىلدان جاڭا تۋعان نارەستەلەرگە ارناپ ينكۋباتورلار مەن رەانيماسيالىق جۇيەلەر شىعارىلا باستايدى
الماتىدا ەكونوميكانى ودان ءارى ءارتاراپتاندىرۋ بويىنشا شارالار ىسكە اسىرىلۋدا. وڭدەۋ ونەركاسىبىنىڭ باسىم باعىتىندا زاكىر ءوندىرىسى بويىنشا جوبالار ىسكە اسىرىلۋدا. وسىلايشا، 2024 جىلى Wildberries لوگيستيكالىق ورتالىعى مەن مەديسينالىق جابدىقتاردى ءوندىرۋ بويىنشا 3 جوبا ىسكە قوسىلادى. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسى حابارلادى.
اتاپ ايتقاندا، وپەراسيالىق شامداردى، پاسيەنتتەردىڭ توسەگىن، بالالارعا ارنالعان ينفراقىزىل جىلىتقىشتاردى، فوتوتەراپياعا ارنالعان اپپاراتتاردى، اسپيراتورلار، جاڭا تۋعان نارەستەلەرگە ارنالعان ينكۋباتورلار، رەانيماسيالىق جۇيە، ۋلترادىبىستىق اپپاراتتار، ەكگ، سيفرلىق رەنتگەنوگرافيا جۇيەلەرىن جانە ت.ب. وندىرەتىن بولادى.
2025 جىلى "Changan"، "سھەگۋ" مەن "Haval" مۋلتيبرەندتىك اۆتوزاۋىتى، Knauf Insulations جىلۋ وقشاۋلاعىش ماتەريالدار زاۋىتى، 6 فارماسيەۆتيكا مەن مەديسينالىق جابدىقتاردى ءوندىرۋ بويىنشا تاعى 4 جوبا ىسكە قوسىلادى. ال 2026 جىلى "ORBIS MANUFACTURING" جەڭىل اۆتوموبيلدەر شىعاراتىن زاۋىتتى ىسكە قوسۋ جوسپارلانۋدا. وسىلايشا الماتى ەكونوميكاسىنداعى وڭدەۋ ونەركاسىبىنىڭ ۇلەسى 2024 جىلى 5،6%-عا دەيىن جانە 2025 جىلى 6،6%-عا دەيىن ۇلعايادى.