ساپالى الەۋمەتتىك ينفراقۇرىلىم قالىپتاستىرۋ ەرەكشە نازاردا، دەدى قالا اكىمى اۋدان تۇرعىندارىمەن كەزدەسۋدە.
وقۋشى ورىندارىنىڭ تاپشىلىعىن ازايتۋ ءۇشىن 2023 جىلى №65 مەكتەپكە 300 وقۋشىعا ارنالعان جانە №9 ارنايى تۇزەتۋ مەكتەپ-ينتەرناتىنا 120 ورىندىق قوسىمشا قۇرىلىس سالۋ اياقتالدى. وتكەن جىلدىڭ جەلتوقسان ايىندا №145 گيمنازيا كۇردەلى جوندەۋدەن كەيىن پايدالانۋعا بەرىلدى.
- №10، №70 مەكتەپتەر مەن №138 گيمنازياداعى كۇردەلى جوندەۋ جۇمىستارى جالعاسۋدا. جۇمىستار جاڭا وقۋ جىلى باستالعانعا دەيىن اياقتالادى.
- 2024 جىلدىڭ ەكىنشى توقسانىندا 450 ورىندىق جاڭا كورپۋسىن سالا وتىرىپ، №73 مەكتەپتى سەيسميكالىق كۇشەيتۋ جوسپارلانىپ وتىر.
- «جايلى مەكتەپ» ۇلتتىق جوباسى اياسىندا ەگىزبايەۆ كوشەسىنىڭ بويىندا 2500 ورىندىق، روزىباكييەۆ كوشەسىنىڭ بويىندا 1500 ورىندىق، قوجابەكوۆ كوشەسىنىڭ بويىندا 2000 ورىندىق 3 جاڭا مەكتەپتىڭ قۇرىلىسى جالعاسۋدا، جۇمىستارى 2024 جىلدىڭ سوڭىندا اياقتالادى.
- سونىمەن قاتار، «رامس سيتي» تۇرعىن ءۇي كەشەنىنىڭ اۋماعىندا جاڭا وقۋ جىلى باستالعانعا دەيىن 1100 ورىندىق مەكتەپتىڭ قۇرىلىسى اياقتالادى.