الماگۇل، «وربيتا» جانە «قازاقفيلم» شاعىن اۋدانىنىڭ 200 مىڭ تۇرعىندارىن ەلەكترمەن قامتۋ ءۇشىن، 2023 جىلدىڭ تامىز ايىندا «الماگۇل» ەلەكتر پودستانسياسى ىسكە قوسىلعانىن ءمالىم ەتتى مەگاپوليس اكىمى بوستاندىق اۋدانى تۇرعىندارىمەن كەزدەسۋىندە.
وتكەن جىلى 6،7 شاقىرىم اۋە ەلەكتر جەلىسىنە، 38 شاقىرىم كابەلدى ەلەكتر جەلىسىنە، 17 ترانسفورماتور پودستانسياسى مەن 3 تاراتۋ پۋنكتىنە كۇردەلى جوندەۋ جۇرگىزىلدى. سونىمەن قاتار، 59 شاقىرىم اۋە ەلەكتر جەلىسى، 130 ترانسفورماتور پودستانسياسى مەن 3 تاراتۋ پۋنكتى اعىمداعى جوندەۋ جۇمىستارى جاسالدى، دەپ حابارلايدى اlmaty-akshamy.kz.
وسى جىلى ەرمەنساي جانە رەميزوۆكا شاعىن اۋداندارىندا 16 شاقىرىم ەلەكتر جەلىلەرىن قايتا جاڭارتۋ جوسپارلانىپ وتىر. سونداي-اق، ينۆەستيسيالىق جوبا شەڭبەرىندە 50 شاقىرىم ەلەكتر ەنەرگياسىنىڭ كابەلدىك جەلىلەرىن، 13 ترانسفورماتور پودستانسياسى مەن 3 تاراتۋ پۋنكتىن جاڭعىرتۋ جوسپارلانۋدا. قوسىمشا 91 شاقىرىم اۋە ەلەكتر جەلىسى مەن 105 ترانسفورماتور پودستانسياسىن اعىمداعى جوندەۋدى جۇزەگە اسىرامىز، -دەدى قالا اكىمى ە.دوسايەۆ.