جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ جولعا قويىلعان

قاجەتتىلىككە بايلانىستى اكىمدىك وسى جىلدىڭ مامىر ايىنىڭ سوڭىنا دەيىن قۇرىلىس-مونتاجداۋ جۇمىستارىن باستاپ، تاعى 16 باعدارشام وبەكتىسىن سالۋعا جوبالاۋ-سمەتالىق قۇجاتتاما ازىرلەۋدى جوسپارلاپ وتىر.

وتكەن جىلى بايسەيىتوۆا (5)، ابىلاي حان (2)، تىلەندييەۆ (1)، بوگەنباي باتىر (1)، تولە بي (1)، روزىباكييەۆ (1)، قۇرمانعازى (1)، گوگول (1) كوشەلەرىنە 13 جاڭا باعدارشام ورناتىلدى، دەپ حابارلايدى Almaty-akshamy.kz.

وتكەن جىلى بۇعان دەيىن جارىقتانباعان اۋداننىڭ 14 كوشەسىنە سىرتقى جارىقتاندىرۋ جەلىلەرىن سالۋ بويىنشا جۇمىستار اياقتالدى جانە بايتۇرسىنوۆ (ماقاتايەۆ كوشەسىنەن اباي داڭعىلىنا دەيىن) پەن روزىباكييەۆ (رايىمبەك داڭعىلىنان اباي داڭعىلىنا دەيىن) كوشەلەرىندە سىرتقى جارىقتى مودەرنيزاسيالاۋ جۇرگىزىلدى. بيىلعى جىلى جوبالاۋ-سمەتالىق قۇجاتتاما ازىرلەۋ ءۇشىن جانە الداعى ۋاقىتتا جارىقتاندىرۋ جەلىسىن سالۋ ءۇشىن جارىقتانباعان 10 كوشەدەن تۇراتىن ءتىزىم ازىرلەندى.  

سونىمەن قاتار، اكىمدىك 52 ۋچاسكەدە 34 كم ارىق جەلىسىن رەكونسترۋكسيالاۋ مەن سالۋ جۇمىستارىن جۇرگىزۋدە.
بۇل جۇمىستاردى 2023 جىلدىڭ سوڭىنا دەيىن اياقتاۋ جوسپارلانعان.