بۇگىن حالىقارالىق ينجەنەرلىك-تەحنولوگيالىق ۋنيۆەرسيتەتى (حيتۋ) بازاسىندا «جاھاندانۋ جاعدايىندا ءبىلىم بەرۋ باعدارلامالارىن جوبالاۋ جانە ىسكە اسىرۋ ساپاسىنىڭ ينديكاتورى رەتىندە جۇمىس بەرۋشىنىڭ كاسىبي دايارلىقتاعى ءرولىن ارتتىرۋ» تاقىرىبىندا حالىقارالىق فورۋم ءوتتى.
ءىس-شاراعا كاسىپورىندار مەن جۇمىس بەرۋشىلەردىڭ وكىلدەرى، METU University باسشىلىعى، سونداي-اق تۇركيا، جۇڭگو، كورەيا، رەسەي جانە قىرعىزستان جوعارى وقۋ ورىندارىنىڭ وكىلدەرى قاتىستى، دەپ حابارلايدى aqshamnews.kz
حيتۋ رەكتورى، قاۋىمداستىرىلعان پروفەسسور گ.ا. سارسەنبەكوۆا ءوز سوزىندە جۇمىس بەرۋشىلەرمەن ۋنيۆەرسيتەتتىڭ ءوزارا ارەكەتتەستىگىن ارتتىرۋدىڭ، ءبىلىم بەرۋ باعدارلامالارىنىڭ ساپاسىن كوتەرۋ مەن ستۋدەنتتەردىڭ پراكتيكالىق دايارلىعىن كۇشەيتۋدىڭ ماڭىزدىلىعىن اتاپ ءوتتى. ول فورۋمنىڭ جاڭا تەحنولوگيالاردى ەنگىزۋ، كاسىبي دايارلىقتى ىنتالاندىرۋ جانە ستۋدەنتتەرگە ميكروكۆاليفيكاسيا بەرۋ ماسەلەلەرى بويىنشا ءتيىمدى شەشىمدەردى ىزدەۋ الاڭى بولعانىن ايتتى.
پلەنارلىق وتىرىس
فورۋمنىڭ العاشقى بولىگى نەگىزگى سپيكەرلەردىڭ تاجىريبەسى مەن كوزقاراستارىمەن بولىسكەن باياندامالارىنا ارنالدى:
1.ءبىلىم بەرۋدى رەفورمالاۋ جانە بىلىكتىلىكتى ارتتىرۋداعى كوشباسشىلىق: يننوۆاسيالىق تاجىريبەلەر مەن ءبىلىم بەرۋ تۇجىرىمدامالارى.
Huatec Information Technology Co.، Ltd. كومپانياسىنىڭ (پەكين، جۇڭگو) حالىقارالىق ءبىلىم بەرۋ جوسپارلاۋ ديرەكتورى توني سان ءبىلىم بەرۋدەگى يننوۆاسيالىق تاسىلدەر تۋرالى بايانداما جاسادى.
2.ەڭبەك نارىعىن قازىرگى زامانعى سىن-قاتەرلەرگە بەيىمدەۋدەگى شاعىن جانە ورتا بيزنەستىڭ ءرولى.
«اتامەكەن» ۇكپ شاعىن كاسىپكەرلىكتى دامىتۋ جانە حالىقارالىق ىنتىماقتاستىق جونىندەگى ديرەكتوردىڭ ورىنباسارى م.ا. تۋرەبەكوۆا جانار مەيرام قىزى ۋنيۆەرسيتەتتەر مەن بيزنەس اراسىنداعى بەلسەندى ىنتىماقتاستىقتىڭ قاجەتتىلىگىن اتاپ ءوتتى.
3.قازاقستان جوعارى وقۋ ورىندارىندا IT-ارنايى پاندەرى بويىنشا وندىرىستىك-پراكتيكالىق بازانى دامىتۋ.
«اكادەمسەت» ج ش س باس ديرەكتورى تاكابايەۆ تاحير ماراتوۆيچ وسى سالاداعى ءساتتى تاجىريبەلەرمەن ءبولىستى.
4.ءبىلىم بەرۋ، عىلىم جانە ونەركاسىپتى بىرىكتىرۋدەگى ۋنيۆەرسيتەت ءرولى.
سۇلەيمان دەميرەل ۋنيۆەرسيتەتىنىڭ (يسپارتا، تۇركيا) سىرتقى بايلانىستار دەپارتامەنتىنىڭ باسشىسى دوكتور يبراگيم كۋبيلاي ۋنيۆەرسيتەتتەردىڭ ءارتۇرلى سالالاردى بىرىكتىرۋدەگى ماڭىزدىلىعىن اتاپ ءوتتى.
5.قازاقستان وڭدەۋ ونەركاسىبىنە ارنالعان ەكوجۇيە قۇرۋ جانە سيفرلىق يندۋستريانى دامىتۋ.
Global Korea Center ورتالىعىنىڭ ديرەكتورى حان دجين سون وزىق تەحنولوگيالاردى ەنگىزۋ ءۇشىن حيتۋ-مەن ستراتەگيالىق ارىپتەستىك تۋرالى بايانداما جاسادى.
6.حالىقارالىق ستاندارتتارعا سايكەس حيتۋ ستۋدەنتتەرىن كاسىبي دايارلاۋ مەن بىلىكتىلىككە باعىتتالعان ءتاسىل.
ACCA قازاقستان جانە ورتالىق ازيا وكىلدىگىنىڭ باسشىسى جاننا يسكەنوۆا ACCA حالىقارالىق ستاندارتتارىنا سايكەس حيتۋ ستۋدەنتتەرىنىڭ كاسىبي دايارلىعى تۋرالى باياندادى.
باياندامالار اياقتالعاننان كەيىن حيتۋ جانە ءبىرقاتار جەتەكشى كومپانيالار اراسىندا ىنتىماقتاستىق تۋرالى كەلىسىمدەرگە قول قويۋ ءراسىمى ءوتتى:
•«اقساي» نان-توقاش كومبيناتى» ج ش س؛
•«Goji» ج ش س؛
•«IFC COLOC» ج ش س؛
•«الماتىەنەرگوسبىت» ج ش س؛
•«Byte Machine» ج ش س جانە باسقالار.
قول قويىلعان كەلىسىمدەر وقۋ باعدارلامالارىن بىرلەسىپ ازىرلەۋدى، ءدۋالدى وقىتۋ جوبالارىن ىسكە اسىرۋدى، عىلىمي-زەرتتەۋ جۇمىستارىن جۇرگىزۋدى جانە ستۋدەنتتەردىڭ كاسىپورىنداردىڭ پراكتيكالىق قىزمەتىنە قاتىسۋىن قاراستىرادى.
فورۋمدا ەرەكشە نازار اۋدارىلعان تاقىرىپتار:
•كاسىبي قۇزىرەتتەردى قالىپتاستىرۋدا ۋنيۆەرسيتەتتەر مەن جۇمىس بەرۋشىلەردىڭ ءوزارا ءىس-قيمىلى.
•ءبىلىم بەرۋ جانە كاسىبي دامۋداعى كوشباسشىلىق.
•ءبىلىم بەرۋ جانە بيزنەس سەكتورىنداعى يننوۆاسيالىق تاجىريبەلەردى دامىتۋ.
فورۋم حيتۋ-دا زاماناۋي زەرتحانالاردىڭ اشىلۋىنىڭ ماڭىزدى كەزەڭى بولدى. فورۋم اياسىندا باعدارلامالىق ينجەنەريا، بيوحيميالىق ينجەنەريا، ازىق-تۇلىك وندىرىسىندەگى تەحنولوگيالار جانە سمارت-تەحنولوگيالار سالاسىنداعى عىلىمي-زەرتتەۋ زەرتحانالارىنىڭ سالتاناتتى اشىلۋى ءوتتى.
بۇل يننوۆاسيالىق كەڭىستىكتەر ستۋدەنتتەر مەن زەرتتەۋشىلەرگە جاڭا مۇمكىندىكتەر اشىپ، نارىقتىڭ زاماناۋي تالاپتارىن ەسكەرە وتىرىپ، مامانداردىڭ پراكتيكالىق دايارلىعىن قامتاماسىز ەتەدى.
ءىس-شارا زەرتحانالار مەن زەرتتەۋ ورتالىقتارىن حالىقارالىق ستاندارتتارعا جانە قازىرگى زامانعى يندۋستريا تالاپتارىنا سايكەستەندىرۋ ماسەلەلەرىن تالقىلاۋعا ارنالعان باعدارلامامەن جالعاستى.
بوستاندىق اۋدانىنىڭ جۇمىس بەرۋشىلەرى فورۋم باستامالارىن بەلسەندى قولداپ، ستۋدەنتتەردىڭ كاسىپورىن بازاسىندا تاعىلىمدامالار مەن پراكتيكالىق ساباقتار وتكىزۋ ءۇشىن ءوز رەسۋرستارىن ۇسىندى. ولار سونداي-اق جۇمىس سەسسيالارىنا قاتىسىپ، ءوز تاجىريبەلەرىمەن ءبولىستى جانە بىلىكتى كادرلاردى دايارلاۋ سالاسىنداعى ىنتىماقتاستىق پەرسپەكتيۆالارىن تالقىلادى.
فورۋم ءبىلىم بەرۋ، عىلىم جانە بيزنەستى ينتەگراسيالاۋدىڭ قازىرگى زامانعى مامانداردى دايارلاۋداعى ماڭىزدىلىعىن راستادى جانە ءوزارا ءتيىمدى ىنتىماقتاستىق ءۇشىن جاڭا كوكجيەكتەر اشتى.