جازا ءتۇرى – 91 890 تەڭگە ايىپپۇل نەمەسە 15 تاۋلىككە قاماۋ.
قازاقستاندا اۋا رايىنىڭ قولايسىزدىعىنا بايلانىستى جابىلعان جولداردا كولىك جۇرگىزگەندەر 15 تاۋلىككە قامالۋى مۇمكىن، دەپ حابارلايدى Almaty-akshamy.kz
بۇعان دەيىن ادامداردىڭ جابىق تاسجولعا شىعىپ كەتكەنى ءۇشىن بارلىق جاۋاپكەرشىلىك پوليسيادا بولاتىن. 2022 جىلعى قازاندا «جولداردا كولىك قۇرالدارىنىڭ قوزعالىسىن توقتاتۋ نەمەسە ۋاقىتشا شەكتەۋ قاعيدالارىن بەكىتۋ تۋرالى» ۇكىمەت قاۋلىسى شىعىپ، جۇرگىزۋشىلەردى جولدى جابۋ تۋرالى ەسكەرتۋدى ەلەمەگەنى ءۇشىن جانە جولعا شىققانى ءۇشىن جازالاۋ مىندەتتەلدى.
پورتال مالىمەتىنشە، ءتارتىپ بۇزۋشىلار ق ر اكىمشىلىك قۇقىقبۇزۋشىلىق تۋرالى كودەكستىڭ 667-بابى بويىنشا جاۋاپكەرشىلىككە تارتىلۋى ءتيىس. اۆتوموبيل جولدارعا شىعاتىن جولدى جاۋىپ تاستاعان پوليسيا قىزمەتكەرلەرىنە باعىنباعانى ءۇشىن ازاماتتار ءبىرىنشى 30 اەك نەمەسە 2022 جىلى 91 890 تەڭگە ايىپپۇل تولەيدى نەمەسە 15 تاۋلىككە دەيىن قاماۋعا الىنادى. ءبىر جىل ىشىندە تاعى بۇزسا – 15 كۇننەن 20 تاۋلىككە دەيىن قاماۋعا الۋ. قاماۋعا الىنبايتىندارعا (مىسالى، مۇگەدەكتەر) 50 اەك، ياعني 152 150 تەڭگە كولەمىندە ايىپپۇل سالىنادى.