الماتىنىڭ باس مەملەكەتتىك سانيتارلىق دارىگەرى جانداربەك بەكشين جاعداي ۋشىعا تۇسسە، مەگاپوليستە ەپيدەمياعا قارسى شارالار كۇشەيتىلەتىنىن حابارلادى. 23 ماۋسىمدا وڭىرلىك كوممۋنيكاسيالار قىزمەتى الاڭىندا وتكەن بريفينگتە سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى كوروناۆيرۋستى جۇقتىرۋدىڭ ەڭ جوعارى ءقاۋپى ادام كوپ شوعىرلاناتىن جەردە تارايتىنىن ايتتى.
ج. بەكشين ءقاۋىپتى ىندەتتى جۇقتىرۋعا بولاتىن بەس نەگىزگى ورىندى اتادى. ءبىرىنشىسى، ساۋدا نىساندارى. الماتىنىڭ باس سانيتارلىق دارىگەرىنىڭ ايتۋىنشا، قالا تۇرعىندارىنىڭ 28%-ى سۋپەر-گيپەرماركەتتەردە، 5%-ى سوسو مەن ساۋدا ۇيلەرىندە، 3%-ى ازىق-تۇلىك ەمەس دۇكەندەردە بولعان.
جانداربەك بەكشين ەگەر ءىرى سوسو-دا كۇزەت ايماعىنان بەتپەردەسىز كىرۋگە رۇقسات بەرىلمەسە، وندا شاعىن دۇكەن يەلەرى مەن ساتۋشىلارى بۇعان جاۋاپكەرشىلىكپەن قارامايدى، دەمەك ۆيرۋس جۇقتىرۋ ءقاۋپى بار.
قوعامدىق كولىكتەردە كوروناۆيرۋس جۇقتىرۋ ىقتيمالدىعى 17%، بازاردا 12%، تاماقتانۋ ورىندارىندا 7%، ساياباقتار مەن جاياۋ جۇرگىنشىلەر كوشەلەرىندە ادامداردىڭ جينالۋى 4% بايقالادى.
بۇل رەتتە ج. بەكشين Ashyq قاتىسۋشىلارىنىڭ نىساندارىندا جۇقتىرۋ جاعدايى تىركەلمەگەنىن ايتتى.
الماتى قالاسىنىڭ سانيتارلىق دارىگەرلەرى مەن ەپيدەميولوگتارىنىڭ ايتۋىنشا، ءقاۋىپتى ايماقتا 20-38 جاس ارالىعىنداعى تۇرعىندار تىركەلگەن، بۇل جاس توبىندا 38% ينفەكسيا تىركەلگەن، بۇل ولاردىڭ اراسىندا ەرىكتى ۆاكسينالاۋ بەلسەندىلىگىنىڭ تومەندىگىن كورسەتەدى.
40 پەن 60 جاس ارالىعىنداعى الماتىلىقتاردىڭ 25%-ى ينفەكسياعا بەيىم، ال 70 جاستان اسقان ادامدار ناۋقاستاردىڭ 20% قۇرايدى.
ج. بەكشيننىڭ ايتۋىنشا، الماتىنىڭ "جاسىل" ايماققا ءوتۋى ءۇشىن حالىققا ەپيدەمياعا قارسى شارالاردى قاتاڭ ساقتاۋ قاجەت.
"بەتپەردەنى دۇرىس تاعۋ كەرەك، اسىرەسە، قوعامدىق ورىنداردا، سونىڭ ىشىندە قوعامدىق كولىكتە، الەۋمەتتىك قاشىقتىقتى ساقتاۋ كەرەك. ۇجىمدىق يممۋنيتەتتى قالىپتاستىرۋ ءۇشىن بەلسەندى تۇردە ۆاكسينا الىڭىز. كوپشىلىك ءىس-شارالارعا، سونىڭ ىشىندە توي مەن باسقا دا وتباسىلىق مەرەكەلەرگە قاتىسپاۋ ءارى ۇيىمداستىرماۋ كەرەك. ەڭ باستىسى، ەپيدەميولوگيالىق احۋالدىڭ "قىزىل" ايماعىنداعى وڭىرلەرگە شىقپاۋ"، – دەيدى الماتى قالاسىنىڭ باس سانيتارلىق دارىگەرى.
ج. بەكشين، ەگەر ادامدار ولاردى ءقاۋىپتى ينفەكسيادان قورعايتىن ەكپە الماسا، سىرقاتتانۋ دەڭگەيى تومەندەمەيتىنىن ايتتى.