ول ءيزرايلدىڭ ەكى دۇركىن چەمپيونى، ەل كۋبوگى جانە سۋپەرەكۋبوگىنىڭ يەگەرى
فۋتبولدان يزرايل قۇراما كومانداسىنىڭ قورعاۋشىسى وفري اراد جىل سوڭىنا دەيىن «قايرات» فۋتبول كلۋبىندا وينايتىن بولدى، دەپ حابارلايدى Almaty-akshamy.kz.
«قايرات» فۋتبول كلۋبىنىڭ باسپا ءسوز قىزمەتىنىڭ حابارلاۋىنشا، يزرايل قۇراماسىنىڭ قورعاۋشىسى وفري اراد بيىل جىل سوڭىنا دەيىن جالعا الۋ قۇقىعىمەن «قايرات» فۋتبول كلۋبىندا وينايتىن بولدى.
«وفري اراد – جاسى 24-تە، ورتالىق قورعاۋشى، ءيزرايلدىڭ ەكى دۇركىن چەمپيونى، ەل كۋبوگى جانە سۋپەرەكۋبوگىنىڭ يەگەرى. ەۋرودودالاردىڭ تاجىريبەسىنە يە. 2021-2022 جىلدارداعى ماۋسىمدا اراد نيدەرلاندتىق «فەيەنفورد»، گەرمانيالىق «ۋنيون»، چەحيالىق «سلاۆياعا» قارسى ويناپ، ءوز كومانداسىن ۋەفا كونفەرەنسيالار ليگاسىنىڭ توپتىق كەزەڭىنە شىعارۋعا كومەكتەستى»، - دەلىنەدى «قايرات» فك حابارلاماسىندا.
ايتا كەتەيىك، 2020 جىلى وفري اراد يزرايل قۇراماسىندا دەبيۋت جاساپ، بۇگىنگى كۇنگە دەيىن قۇراما ساپىندا 8 ماچ وتكىزگەن.