يزرايلدىك اگروبيزنەس قازاقستانمەن ىنتىماقتاستىقتى جانداندىرۋعا نيەتتى

بىرلەسكەن جوبالاردى ىسكە اسىرۋعا قىزىعۋشىلىق تانىتتى.

قازاقستاننىڭ ەلشىسى ساتىبالدى بۇرشاقوۆ ءيزرايلدىڭ سولتۇستىگىندەگى ءىرى اۋىل شارۋاشىلىعى كوممۋنالارىنىڭ ءبىرى – ماگال كيبۋسىندا بولدى، دەپ حابارلايدى Almaty-akshamy.kz ق ر ءسىم باسپا ءسوز قىزمەتىنە سىلتەمە جاساپ. 

ساپار اياسىندا "Netafim" كومپانياسىنىڭ وڭىرلىك ديرەكتورى زوحار زيۆ، كيبۋس يندۋسترياسى قاۋىمداستىعىنىڭ حالىقارالىق ساۋدا جونىندەگى ديرەكتورى ميحال زوران، سونداي-اق "Mapalagro"، "AgroScout" جانە "Tal-Ya" اگروتەحنيكالىق كومپانيالارىنىڭ وكىلدەرى س.بۇرشاقوۆتى جوعارى تەحنولوگيالىق جىلىجايلارمەن جانە فەرمالارمەن جۇمىستا قولدانىلاتىن وزىق يرريگاسيالىق شەشىمدەرمەن تانىستىردى.

ديپلومات ەلىمىزدىڭ اۋىل شارۋاشىلىعى سالاسىنداعى الەۋەتى مەن بىرلەسكەن ينۆەستيسيالىق جوبالاردى ىسكە اسىرۋ مۇمكىندىكتەرىن اتاپ ءوتىپ، يزرايلدىك اگرارشىلاردى پرەزيدەنت قاسىم-جومارت توقايەۆتىڭ ەلىمىزدىڭ ينۆەستيسيالىق تارتىمدىلىعىن ارتتىرۋعا، سونداي-اق ينۆەستورلاردى ۇكىمەت پەن وڭىرلەر تاراپىنان كەشەندى قولداۋمەن قامتاماسىز ەتۋگە باعىتتالعان رەفورمالارى تۋرالى حاباردار ەتتى.

ءوز كەزەگىندە، تامشىلاتىپ جانە ميكروسۋارۋ نارىعىندا الەمدىك كوشباسشى سانالاتىن "Netafim" كومپانياسىنىڭ وكىلدەرى قازاقستانمەن ىنتىماقتاستىقتى دامىتۋعا، جىلىجايلار مەن سۋ شارۋاشىلىعى قۇرىلىسى سالاسىنداعى بىرلەسكەن جوبالاردى ىسكە اسىرۋعا قىزىعۋشىلىق تانىتتى.