قازبا جۇمىستارى
يزرايل ارحەولوگتارى شامامەن جارتى ميلليون جىل بۇرىن ءيزرايلدىڭ وڭتۇستىگىندە ەجەلگى ادامدار اۋلاعان تاريحقا دەيىنگى ءپىلدىڭ ۇلكەن ازۋىن تاپتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
CBS News اگەنتتىگى مالىمەتىنشە، ءيزرايلدىڭ ەسكىلىك باسقارماسى سارسەنبىدە تەل-اۆيۆ ۋنيۆەرسيتەتى مەن بەن-گۋريون ۋنيۆەرسيتەتىنىڭ زەرتتەۋشىلەرىمەن بىرلەسكەن قازبا جۇمىستارى كەزىندە ۇزىندىعى 2،5 مەتر بولاتىن تاسقا اينالعان زات تابىلعانىن مالىمدەدى.
قازبا جۇمىستارىن جۇرگىزگەن ەجەلگى ارحەولوگ اۆي ليەۆي بۇل «يزرايلدە نەمەسە تاياۋ شىعىستا تابىلعان ەڭ ۇلكەن قازبا» دەپ مالىمدەدى.
ەسكىلىك باسقارماسىنىڭ مالىمەتى بويىنشا، بۇل جەر تومەنگى پالەوليت داۋىرىنە تيەسى (شامامەن 500 مىڭ جىل بۇرىن). وسى جەردەن تاس قۇرالدارى تابىلعان بولاتىن.
عالىمدار جارتى ميلليون جىل بۇرىن ەجەلگى ءپىلدىڭ تابىلعان جەرىندە باتپاقتى نەمەسە تاياز كول بولعان دەپ بولجاپ وتىر. بۇل ەجەلگى گومينيدتەردىڭ مەكەندەگەن جەرى (پريماتتار تۇقىمداسى، ونىڭ ىشىندە ادامدار مەن ۇلكەن مايمىلدار) بولۋى مۇمكىن.