وعان قارجى پيراميداسىن قۇرعانى ءۇشىن ىزدەۋ جاريالانعان.
قىرعىزستان ىشكى ىستەر مينيسترلىگىنىڭ مالىمەتىنشە، بەينەباقىلاۋ جۇيەسى قارجى پيراميداسىن قۇرىپ، ونى باسقارعانى ءۇشىن ىزدەۋدە جۇرگەن ادامدى انىقتاعان، دەپ حابارلايدى Almaty-akshamy.kz
"2023 جىلدىڭ جەلتوقسان ايىنىڭ سوڭعى كۇندەرى بىشكەك قالاسىندا الماتى قالاسى مەدەۋ اۋداندىق پوليسيا باسقارماسى قىلمىستىق كودەكستىڭ 217-بابى "قارجى پيراميداسىن قۇرۋ جانە باسقارۋ" بويىنشا ىزدەۋگە جاريالانعان قازاقستان ازاماتى و.ا. انىقتادى. بۇلتارتپاۋ شاراسى قاماۋعا الۋ بولىپ تابىلادى"، - دەلىنگەن حابارلامادا.
قازاقستاندا 2021 جىلدىڭ ساۋىرىندە زارداپ شەككەن ينۆەستورلار ءۇش كومپانيانىڭ قىزمەتىنە قاتىستى پوليسياعا ۇجىمدىق شاعىم ءتۇسىرىپ، ولاردى قارجىلىق پيراميدا دەپ اتادى. بۇل كومپانيالار وزدەرىن ينۆەستيسيالار سالاسىندا تابىستى ۇيىمدار رەتىندە كورسەتتى. سونداي-اق قارجى پيراميداسىن قۇرىپ، ونى باسقاردى دەگەن كۇدىككە ىلىنگەن، ۇستالعان الماتى قالاسىنىڭ تۋماسى ازامات و.ا. پايدالى ينۆەستيسيالاردى يميتاسيالايتىن وسى "جوبانىڭ" جەتەكشىلەرىن ۇستاي باستاعاندا، ول قاشىپ ۇلگەرگەن.
"كومپانيالار ينۆەستورلاردان بىرنەشە ميلليارد تەڭگە كولەمىندەگى قاراجاتتى زاڭسىز تارتقان. كىرىس قاراجات اعىنىن ۇلعايتۋ ءۇشىن قارجى پيراميدالارىنىڭ قىزمەتىنە بەلگىلى بلوگەرلەر تارتىلعان.سوت ەكى ۆاينەردى قارجىلىق پيراميداداعى ارەكەتى ءۇشىن بەس جىلعا باس بوستاندىعىنان ايىردى"، - دەلىنگەن حابارلامادا.
بىشكەكتە ۇستالعان ازامات ۋاقىتشا ۇستاۋ يزولياتورىنا قامالدى.
2023 جىلى 23 ماۋسىمدا قازاقستاندىق ۆاينەرلەر تورەبايەۆ پەن شەرنيازوۆقا قارجىلىق پيراميدا ءىسى بويىنشا ۇكىم شىقتى.