harbin2025.com سايتىنىڭ مالىمەتىنشە، بيلەتتەر 11 قاڭتاردان باستاپ tickets.harbin2025.com سايتىندا جانە HARBIN 2025 ءموبيلدى قوسىمشاسىندا قولجەتىمدى، دەپ حابارلايدى aqshamnews.kz
ەڭ قىمبات بيلەتتىڭ باعاسى 800 يۋان (56 مىڭ تەڭگە)، ال ەڭ ارزان بيلەتتىڭ قۇنى 120 يۋان (8400 تەڭگە).
ايتا كەتۋ كەرەك، IX قىسقى ازيا ويىندارى 2025 جىلدىڭ 7-14 اقپانى ارالىعىندا جۇڭگو حالىق رەسپۋبليكاسىنىڭ حەيلۋنسزيان پروۆينسياسىندا ورنالاسقان حاربين قالاسىندا وتەدى. سپورتشىلار 12 سپورت ءتۇرى بويىنشا 64 مەدال جيىنتىعىن ساراپقا سالادى.
بۇل ازيا ويىندارى تاريحتاعى ەڭ كوپ ەل قاتىسقان قىسقى ازيادالاردىڭ ءبىرى بولماق. سونىمەن قاتار، كامبودجا مەن ساۋد ارابياسى قىسقى ازيا ويىندارىنا العاش رەت قاتىسقالى وتىر.