جامبىل وبلىسىندا پروكۋراتۋرانىڭ ۇيلەستىرۋىمەن پوليسيا دەپارتامەنتىنىڭ ەكسترەميزمگە قارسى كۇرەس ءبولىنىسى ۇقك-مەن بىرلەسىپ، ءدىني راديكالدار توبىنىڭ 11 مۇشەسىن ۇستادى، – دەپ حابارلايدى aqshamnews.kz
ولار الەۋمەتتىك جەلىلەردە وزگە ءدىن وكىلدەرىنىڭ سەزىمدەرىن قورلايتىن، ءوز دىندەستەرىنىڭ ۇستەمدىگىن جانە وزگە سەنىمدەگىلەردىڭ تومەندىگىن ناسيحاتتايتىن اۋديو جانە ۆيدەوماتەريالداردى، سونىڭ ىشىندە شەتەلدىك راديكالدى ۋاعىزشىلاردىڭ دارىستەرىن تاراتقان.
اتالعان ماتەريالداردىڭ كەيبىرى بۇرىن سوت شەشىمىمەن ءدىني الاۋىزدىقتى قوزدىراتىن اقپارات رەتىندە تانىلىپ، قازاقستان رەسپۋبليكاسىنىڭ اۋماعىندا تاراتۋعا تىيىم سالىنعان. تۇرعىلىقتى جەرلەرىن ءتىنتۋ بارىسىندا ءتۇرلى ءدىني مازمۇنداعى ماتەريالدار مەن باسقا دا ايعاق زاتتار تاركىلەندى.
ساراپتاما ناتيجەسىندە وسى ماتەريالداردان ءدىني الاۋىزدىقتى ناسيحاتتاۋ بەلگىلەرى انىقتالدى. توپتىڭ جەتەكشىلەرى مەن بەلسەندى مۇشەلەرىنىڭ تورتەۋى ۋاقىتشا ۇستاۋ يزولياتورىنا قامالدى، قالعاندارى قىلمىستىڭ كۋاگەرلەرى رەتىندە كىنالارىن مويىندادى.
توپ بولىپ قاساقانا ءدىني الاۋىزدىقتى قوزدىرۋ بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر.