شىمكەنت قالاسىندا ورتالىق ازيا ەلدەرى مەن تۇركىتىلدەس مەملەكەتتەرىنىڭ تەاتر ونەرى سالاسىنداعى ىنتىماقتاستىق پەن دوستىق بايلانىستاردى نىعايتۋ شەڭبەرىندەگى IX حالىقارالىق تەاتر فەستيۆالىنىڭ اشىلۋ سالتاناتى ءوتتى، دەپ حابارلايدى aqshamnews.kz.
ج. شانين اتىنداعى شىمكەنت قالالىق اكادەميالىق قازاق دراما تەاترىنىڭ 95 جىلدىعىنا ارنالعان فەستيۆالدى مادەنيەت كوميتەتىنىڭ ءتوراعاسى كۇمىس سەيىتوۆا اشىپ، قازاقستان رەسپۋبليكاسى مادەنيەت جانە اقپارات ءمينيسترىنىڭ قۇتتىقتاۋىن وقىپ بەردى.
«سىزدەردى تەاتردىڭ 95 جىلدىق مەرەيتويىمەن شىن جۇرەكتەن قۇتتىقتايمىن. قازاقتىڭ ۇلتتىق كاسىبي تەاتر ونەرىنىڭ نەگىزىن سالۋشى جۇمات ءشانيننىڭ ەسىمىن يەلەنگەن ونەر ورداسىنىڭ ۇلت رۋحانياتىن دامىتۋدا الاتىن ورنى بيىك. عاسىرعا جۋىق تاريحى بار تەاتر ءار جىلدارى تالاي ساحنا ساڭلاعىنىڭ باعىن اشتى، باعىتىن ايقىندادى. بۇل ونەر قارا شاڭىراعىندا حالقىمىزدىڭ ءبىرتۋار تالانتتارى حاديشا بوكەيەۆا، ءامينا ءومىرزاقوۆا ەڭبەك ەتكەن. قازاق دراما تەاترى بۇگىنگى تاڭدا كورەرمەنىن ساپالى قويىلىمدارمەن قۋانتىپ، تاعىلىمى مول، تالعامى بيىك تۋىندىلار ساحنالاۋدا»، – دەلىنگەن قۇتتىقتاۋ حاتتا.
التى كۇن بويى قىرعىزستان، وزبەكستان، تۇركيا، قاراقالپاقستان، تاتارستان، ءازىربايجان جانە قازاقستان تەاترلارىنىڭ ۇزدىك سپەكتاكلدەرى كورسەتىلەدى. فەستيۆال باعدارلاماسىندا سپەكتاكلدەردى تالقىلاۋ ءۇشىن جەتەكشى تەاتر سىنشىلارى قاتىساتىن دوڭگەلەك ۇستەلدەر، سونداي-اق، شەتەل پەداگوگتارى وتكىزەتىن تەاتر رەجيسسەرلەرى، اكتەرلەرى مەن مەنەدجەرلەرىنە ارنالعان شەبەرلىك ساعاتتارى جوسپارلانعان.
ءىس-شارا 11 قاراشاعا دەيىن جالعاسادى.