دارىگەر ءولىمى
بۇل تۋرالى ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى اجار عينيات مالىمدەدى، دەپ حابارلايدى Almaty-akshamy.kz Baq.kz-كە سىلتەمە جاساپ.
«ءدال ءقازىر تەرگەۋ جۇمىستارى جۇرگىزىلىپ جاتقانىن بىلەمىن. تەرگەۋ بارىسى تۋرالى اقپاراتتار جوق. سەبەبى تەرگەۋ-تەكسەرى ءالى اياقتالعان جوق، ونى قۇقىق قورعاۋ ورگاندارى جۇرگىزۋدە. دارىگەردىڭ ارىپتەستەرىمەن اڭگىمەلەستىك. پاسيەنت ءۇش رەت قابىلداۋدا بولعان. اسقازان-ىشەك جولدارىن تەكسەرەتىن پروسەدۋرانى جاساتقىسى كەلگەن. ىشەكتىڭ تارىلۋى سالدارىنان ءبىرىنشى پروسەدۋرا ءساتسىز بولىپ، دارىگەر تاعى دا جاساۋعا كەڭەس بەرگەن. دارىگەر يۋريي شۋمكوۆتىڭ ارىپتەستەرى ونىڭ پاسيەنتپەن جانجالداسپاعانىن ايتتى. سول ءۇشىن تەرگەۋ ناتيجەسىن كۇتەيىك. جانتۇرشىگەرلىك كىسى ءولىمىنىڭ سەبەبىن بىلەتىن بولامىز»، - دەدى مينيستر.
بۇعان دەيىن ۆەدومستۆو باسشىسى دارىگەرلەردىڭ قۇقىعىن قورعايتىن زاڭ جوباسى ازىرلەنگەنىن، وسى ايدا پارلامەنت ءماجىلىسىنىڭ قاراۋىنا جىبەرىلەتىنىن ايتقان بولاتىن. اتالعان زاڭ جوباسى بويىنشا مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ جۇيەسىن ەنگىزۋدى قامتاماسىز ەتىلەدى.
ەسكە سالا كەتەيىك، 4 ءساۋىر كۇنى الماتىدا جانتۇرشىگەرلىك قىلمىس ورىن الىپ، دارىگەر يۋريي شۋمكوۆ ەمدەلۋشى اڭشى مىلتىعىمەن اتىپ تاستاعان بولاتىن.