ول 10 ماۋسىمدا توتەنشە جاعدايلار ءمينيسترى قىزمەتىنەن بوساتىلدى.
توتەنشە جاعدايلار مينيسترلىگىنىڭ بۇرىنعى باسشىسى يۋريي يلينگە قاتىستى تەكسەرۋ جۇرگىزىلەدى
ىشكى ىستەر ءمينيسترى مارات احمەتجانوۆ اباي وبلىسىنداعى ورتكە قاتىستى تەرگەۋ ءۇش نۇسقانى قاراستىرىپ جاتقانىن ايتتى7
بۇقارالىق اقپارات قۇرالدارى وكىلدەرى مينيستردەن بيلىك قاي نۇسقاعا كوبىرەك ءمان بەرىپ وتىرعانىن سۇرادى.
"تەرگەۋ ءجۇرىپ جاتىر، ادەيى ءورت قويۋ نۇسقاسى بار. ءىستى ارنايى پروكۋرورلار قارايدى. بۇل توپتا ىشكى ىستەر مينيسترلىگىنىڭ قىزمەتكەرلەرى بار، كورەمىز. ادەيى ءورت قويۋ، نەمقۇرايلىق، نايزاعاي ءتۇسۋ نۇسقالارى بار. ساراپتامالىق جانە ىزدەستىرۋ شارالارى جۇرگىزىلەدى. تەرگەۋگە ەكى اي ۋاقىت بەرىلدى"، – دەپ جاۋاپ بەردى مارات احمەتجانوۆ.
ب ا ق وكىلدەرى "توتەنشە جاعدايلار مينيسترلىگىنىڭ بۇرىنعى باسشىسى يۋريي يلينگە قاتىستى جەكە ءىس نەمەسە تەكسەرۋ جۇرگىزىلىپ جاتقان جوق پا؟" دەپ سۇرادى.
"پرەزيدەنت باس پروكۋرورعا تاپسىرما بەردى، سونىڭ اياسىندا تەكسەرۋ جۇرگىزىلەدى. ءورت فاكتىسىنىڭ ءوزى توتەنشە جاعداي، ادامدار قايتىس بولدى، سوندىقتان قىلمىستىق ءىس اياسىندا تەكسەرۋ بولادى. نەگە دەر كەزىندە شارا قولدانباعان، نەمقۇرايلىلىق بولۋى مۇمكىن. قىزمەتتىك مىندەتتەرىن ورىنداماۋ"، – دەدى ول.