قازاقتەلەكوم AIX بيرجاسىندا كولەمى 823 ملن يۋانعا دەيىنگى (شامامەن 118،2 ملن دوللار) وبليگاسيالارىن ورنالاستىرۋدى جوسپارلاپ وتىر، - دەپ حابارلايدى aqshamnews.kz.
كەيىنگى كەزدەرى قازاقستاننىڭ وزگە دە ەميتەنتتەرى يۋانمەن قارىز تارتا باستادى:
قازاقستاننىڭ دامۋ بانكى (قدب) — 2025 جىلعى قىركۇيەكتە گونكونگ بيرجاسىندا 3 جىل مەرزىمگە، جىلدىق 3،35% تابىستىلىقپەن 2 ملرد يۋان (~287 ملن دوللار) تارتتى.
ونەركاسىپتى دامىتۋ قورى (قدب-نىڭ ەنشىلەس كومپانياسى) — 2025 جىلعى شىلدەدە 5 جىل مەرزىمگە 500 ملن يۋان كولەمىندە وبليگاسيا ورنالاستىردى. 2025 جىلعى قازاندا تاعى دا 5 جىل مەرزىمگە 500 ملن يۋان الدى.
Qazaqstan Investment Corporation (قدب-مەن اففيليرلەنگەن كومپانيا) — 2025 جىلعى جەلتوقساندا 5 جىلعا 5 ملرد يۋان تارتتى.
قدب-نىڭ گونكونگتا تارتقان قاراجاتى «بايتەرەك» توبىنىڭ ىشىندە بولىنگەن بولۋى مۇمكىن. «بايتەرەك» مۇنداي ءتاسىلدى ءجيى قولدانادى. ءۇش جەكە ورنالاستىرۋدىڭ جالپى سوماسى قدب-نىڭ ءوز قارىزىنان اسىپ ءتۇسۋى — ليميتتەردىڭ تولىق يگەرىلگەنىن بىلدىرمەيدى، سەبەبى ناقتى كولەم تۋرالى اشىق اقپارات جوق. سونداي-اق، بۇل يۋان وتىمدىلىگىن تۇپكىلىكتى كىم الىپ جاتقانى دا بەلگىسىز.
قازمۇنايگاز (قمگ) — 2025 جىلعى قازاندا گونكونگ بيرجاسىندا 5 جىل مەرزىمگە، جىلدىق 3،15% تابىستىلىقپەن 1،25 ملرد يۋان (~180 ملن دوللار) تارتتى.
Fincraft Energy Holding Limited — جىلدىق 9،0% كۋپوندىق مولشەرلەمەمەن 10 جىلعا 1.2 ملرد يۋان(~172 ملن دوللار) شىعاردى. بۇل قارجىنى كومپانياعا ناقتى كىم بەرگەنى جاريالانبادى. قمگ تارتقان قاراجات كەڭەس راقىشيەۆتىڭ قۇرىلىمدارىنا باعىتتالۋى ەكىتالاي، ءبىراق مولشەرلەمەلەردەگى ايىرماشىلىق (3.15%-بەن الىپ، 9%-بەن ورنالاستىرۋ) ەكونوميكالىق تۇرعىدان وتە ءتيىمدى كورىنەدى. قمگ-نىڭ قىتايلىق مەردىگەرلەرمەن ەسەپ ايىرىسۋدى قاجەت ەتەتىن جوبالار پورتفەلى ۇلكەن.
QazPost — 2025 جىلعى 30 جەلتوقساندا 3 جىل مەرزىمگە، جىلدىق 4.2% كۋپوندىق مولشەرلەمەمەن 360 ملن يۋاندىق (~50 ملن دوللار) وبليگاسيالارىن ورنالاستىردى.
ەندى وسى تىزىمگە قازاقتەلەكوم قوسىلدى. ەل ىشىندە يۋان بويىنشا مۇنداي ءىرى وتىمدىلىك كولەمى ءىس جۇزىندە تەك «سامۇرىق-قازىنا» دەڭگەيىندە جيناقتالۋى مۇمكىن. حولدينگ رەتىندە «سامۇرىق-قازىنا» ءوزىنىڭ جوعارى نەسيەلىك رەيتينگىنىڭ ارقاسىندا قاراجات تارتىپ، كەيىن ونى ەنشىلەس كومپانيالارى اراسىندا ءبولىپ وتىرادى.