ەلىمىزدەگى مەرەكەلىك كۇندەر ءتىزىمى تولىعۋى مۇمكىن.
تازى مەن توبەت كۇنى بەلگىلەندى، دەپ حابارلايدى aqshamnews.kz
ەكولوگيا مينيسترلىگى 3 قىركۇيەكتى «قازاقى يت تۇقىمدارىنىڭ كۇنى» دەپ بەلگىلەۋدى ۇسىنىپ وتىر.
«تازى مەن توبەت – قازاقتىڭ بايىرعى يت تۇقىمدارى، قازاق حالقىنىڭ ماقتانىشى، «جەتى قازىنا» ءبىرى. تازى ادامنىڭ اڭ اۋلاۋداعى تاپتىرماس كومەكشىسى، سونىمەن قاتار توبەت – اتا-بابالارىمىزدىڭ وتارى مەن مۇلكىن قىراعى قورعاۋشىسى. بۇل تۇقىمدار ءبىزدىڭ تاريحىمىزبەن بايلانىستى جانە ولاردىڭ شىعۋ تەگى عاسىرلار قويناۋىنان باستاۋ الادى»، - دەلىنگەن مينيسترلىكتىڭ قۇجاتىندا.
قۇجاتتى جاريا تالقىلاۋ «اشىق نقا» پورتالىندا 17 اقپانعا دەيىن جالعاسادى.