ماڭعىستاۋ وبلىسىنىڭ باۋتينو اۋىلىندا، كاسپيي تەڭىزىنىڭ جاعالاۋىنىنان تابىلعان ءولى يتبالىقتارعا قاتىستى وبلىستىق اكىمدىكتىڭ باسپا ءسوز قىزمەتى مالىمدەمە جاسادى، دەپ حابارلايدى aqshamnews.kz
جەرگىلىكتى بيلىكتىڭ مالىمەتىنشە، 24 قازاندا 51 ولەكسەسى، ال 25-26 قازاندا 100-دەن استام ولەكسەسى تابىلعان. بارلىق ولەكسەلەر ساراپتاماعا جىبەرىلدى.
«گيدروبيولوگيا جانە ەكولوگيا ينستيتۋتىنىڭ قىزمەتكەرلەرى توكسيكولوگيالىق، گيستولوگيالىق جانە ۆيرۋسولوگيالىق زەرتتەۋلەر جۇرگىزەدى. ءقازىر التى مامان وقيعا ورنىندا جۇمىس ىستەۋدە. تابىلعان يتبالىقتاردىڭ دەنەلەرى قاتتى ءشىرىپ كەتكەن. قازىرگى ۋاقىتتا ولەكسەلەردى جيناۋ جۇمىستارى جالعاسۋدا، بۇل جەرلەردە جەرگىلىكتى اتقارۋشى ورگانداردىڭ قىزمەتكەرلەرى، بالىق ينسپەكسياسى باسقارماسى، اۋداندىق پوليسيا ءبولىمى، ۆەتەرينارلىق ينسپەكسيا، گيدروبيولوگيا جانە ەكولوگيا ينستيتۋتى مەن "Qazak Balyk" رەسپۋبليكالىق بالىق شارۋاشىلىعى قاۋىمداستىعى فيليالىنىڭ وكىلدەرى جۇمىس ىستەپ جاتىر»، – دەپ حابارلادى ماڭعىستاۋ وبلىستىق اكىمدىكتىڭ باسپا ءسوز قىزمەتى.
ەستەرڭىزگە سالا كەتسەك بۇعان دەيىن ءتۇپقاراعان اۋدانىنىڭ باۋتين اۋماعىندا 151 يتبالىقتىڭ ولەكسەسى تابىلعانىن جازعان بولاتىنبىز.