38 ادام قاماۋعا الىنعان.
يتاليانىڭ تريەست قالاسىنداعى قارجى پوليسياسى مەن مافياعا قارسى كۇرەس توبى 4،3 توننالىق كوكاين تاركىلەدى، دەپ حابارلايدى Almaty-akshamy.kz Eurointegration.com سىلتەمە جاساپ.
ءتارتىپ ساقشىلارى كوكايننەن بولەك 1،8 ميلليون ەۋرو اقشا مەن بىرنەشە كولىكتى دە تاركىلەدى.
سونداي-اق بۇل ەسىرتكىنى كولۋمبيادان ەۋروپاعا تاسىمالداۋعا قاتىسى بار دەگەن 38 ادام ۇستالدى. تىزبەكتىڭ مۇشەلەرى يتاليا، سلوۆەنيا، حورۆاتيا، نيدەرلاندى، بولگاريا جانە كولۋمبيادا بولۋى ىقتيمال.
بولجام بويىنشا، تاركىلەنگەن ەسىرتكىنىڭ قۇنى قىلمىستىق توپتارعا كوتەرمە ساتۋ ءۇشىن 96 ميلليون ەۋروعا باعالانادى، ال سوڭعى تۇتىنۋشىعا بولشەك ساۋدادا ساتىلعان جاعدايدا ول 240 ميلليون ەۋروعا دەيىن جەتۋى مۇمكىن.
ەسىرتكى مەن تىزبەك مۇشەلەرىنىڭ ءساتتى ۇستالۋىمەن اياقتالعان تەرگەۋ كولۋمبيا مەن اقش-تىڭ قۇقىق قورعاۋ ورگاندارىمەن بىرلەسىپ ءبىر جىلدان استام ۋاقىت بۇرىن باستالعان.